. -<{ احلام عابره }>- .
فاح عطرك يا وردة مسك الغلا
وابهجتي نفوسنا حاضر و رحال

احلام عابره مستحيل لك نجهلا
ومستحيل ننساك يابنت الحلال

سيري يالقوافي مرحبا و مسهلا
للي سيرتها طابت في كل مجال

أختنا الغالية تستاهل حب و غلا
رمز الوفاء للمنتدى حسن ودلال

دوحة الشعر تكسي الشعر بالحلا
تعلو في سماء المجد فئ وظلال

في المنتديات نور ساقط من علا
ومثل البدر اليا اكتمل بعد الهلال

كأنها شمس الضحى ما عنها سلا
منها يستفيد الكل نساء و رجال

كاسبة علم وأدب وثقافة وماعلا
اذا تغنت بالشعر قل بدا السجال
الشاعر/ حمد بن فهد المخالده السبيعي

ماشاء الله تبارك الله على هذا السجال الرائع
تستاهل اختنا احلام ويُحترم عزيزنا حمد على اللفته
صح لسان الجميع على امتاعنا


شاعر العرب

أختي الكريمة الغالية احلام عابره صح لسانك وسلمت يداك الوضاءة وقلبك الطاهر يحفظك ربي دين ودنيا وآخرة اسعدني ردك الجميل يسعدك ربي سعادة لا حد لها في كل مكان وزمان اتمنى لك السعادة ماحييتي اللهم آمين.

هلا بك حمد الفهد هلا .. وغلا
ياحياالله وهلابك يابن الرجال

مهما بلغ حرفي وبالعالي اعتلال
ما يرتقي لمستوى حرفك محال

بروضة حرفك تحلالي المساجلا
ياحظ الي يحظى منك بالسجال

ودي اطرح بين ايديك.. المسألا
وأبي منك تنصفني يابن الحلال

أنا لي غالي عرش القلب ..اعتلى
من صدوده صاب خفوقي اعتلال

ليا شفته كل هم ن عني ...انجلا
واكتبله حروف القصيد.... ارتجال

غلاه مزلزل بشرياني .........زلزلا
وشوقي له محدث بالنبض.. زلزال

هاذي ياصديقي كل ....... المسألا
قلي ويش رايك بهذا ......المجال
الشاعرة/ احلام عابره

======================

رد الشاعر/ حمد بن فهد المخالده السبيعي :-
ارحب يالمهلي صادق الود تستاهلا
ونبي لك من صدق المعاني الجزال

هذا من تواضعكم يا عاليين المنزلا
ترسمي القاف ومبناه عالي فالعال

زايدين الطيب طيب و الحلا حلا
تدارون المشاعر يا وافينا الخصال

حي السؤال واللي أبدت لنا المسألا
أخت عزيزة صادقة و الصدق يقال

ما الومك اصابك ما صاب المبتلى
وصويب القلب يحكي من البهدال

اصبري ياالله عسى همك يقال ولا
ويرجع الغالي على حسب مايقال

يرجع صادق الود والحب وإلا فلا
تعتبريه غدى الصعب والمستحال

وتدوسي على القلب لو إنه يزعلا
وتحكمي فيه ذي العزة و الجلال
الشاعر/ حمد بن فهد المخالده السبيعي

صح السان الجميع مبدعين