» ღ اكتبـ بيتـ شعر راق لكـ ღ « - الصفحة 34 - منتديات مسك الغلا

**محمدعبدالعزيز** · 10-28-23, 02:16 PM

أحـدن على ربعـه .. شجرته مظلّـة
وأحدن على ربعه سموم ولواهيب

وأحدن وجوده .. بـس بلشـه وعلّـة
وأحدن وجوده .. يبري الجرح ويطيب

**خفوق الروح** · 10-28-23, 05:22 PM

.

لعنبو من لامني فيك مايعرف غلاك
‏مادرو أنك بين جوف قلبي والضلوع.

.

**محمدعبدالعزيز** · 10-28-23, 07:53 PM

عساي ما اثقل على قلب مخلوق
ولا اسـوي ما يسـبب عـتــابه

انا احـب الذوق وادور الذوق
عند التعامل والحكي والكتابه

**خفوق الروح** · 10-28-23, 10:22 PM

.

الغلا اللي كان ينقصه احترامه
‏ماحفظ عوج الضلوع اللي سكنها !
‏ٰ
‏لا توقف بيني وبين … الكرامة
‏لو أعزك حيل … ما أنت اعز منها !

.

**محمدعبدالعزيز** · 10-29-23, 12:22 AM

‏كثر الحكي ما فيـه غيـر المضـرّه
‏والصمت به حكمه وهيبه ومقـدار
‏
‏ما يندم العاقل على الصمت مـرّه
‏ويندم على كثر الحكي عدّة أمرار

**خفوق الروح** · 10-29-23, 01:42 PM

.

ياقبلة الله ليا اقبل وانخطف لوني
‏ماكن دقّات قلبي دقّت إلاّ له ..

.