انتي يا أول و آخر إختيار
ما يخيب الظن يا القلب العطوف

وصليني الى شعور الإنتصار
معك احس العمر فرحه دون اوف

الوله

اللهم في ‎آخر ساعة من يوم الجمعة
بشرى تشبه الغيث وسعادة تملأ القلب ،
وفرحة تمحو كل حزن ، وفرج لكل صبر ،
وشفاء لكل مريض ، وتحقيق لكل أمنية ورحمة لكل ميت
واستجابة لكل دعاء

تعالي




https://youtu.be/pEtEO5NoAMU






‏بَعَدْ هَذَا الغِيَابْ وكِيفْ يفْتَحْ للحَنِينْ أَبْوَابْ !!
بَقَى فِي خَاطِرِي شَمْعَةْ كَلامْ وغِيبَتَكْ ظَلْمَةْ

يا انْقَى مِنْ يسُولَفْ لِي يا اَغْلا مِنْ غَلاة أَحْبَابْ
تَعَبْ هَذَا الصَبَرْ مَنِي نَشَفْ رِيقَهْ مَعْ دَمَهْ

يَطُولْ الوَقْتْ فِي غْيِابَكْ كَأَنْ الوَقْتْ لِي كَذَابْ
إِذَا مَرَتْ ثُوَانِي دَسّ وَسْطْ هَذَا العَسَلْ سُمَهْ

وَانَا َيَا غَايِتِي والِلي خَلَقْنِي أَكْرَهْ الأَسْبَابْ
إِذَا هِي تَاخَذَكْ عَنَّا بَلا لَطْفْ وبَلا رَحْمَةْ

تَعَالِي طَلَتَكْ أَنْوَارْ واهْدِي هَالمَسَا تَرْحَابْ
تَعَالِي وانْتِي لَوْ جِيتِي غَدَا هَذَا الحَزَنْ بَسْمَّةْ

تَعَالِي وكَلْ شيٍ فِي حَضُوْرِكْ بَاهِي وْخَلابْ
تَعَالِي وارْسِمِي للفَرَحْ بَحْرُوفَكْ كَذَا رَسْمَّهْ

تَعَالِي سُولِفِي واسْتَرْسِلِي فِي حَكْيِكْ الجَذَابْ
عَذُوبَةْ حَكْيِكْ المُتْرَفْ أَرَقْ وأَحْلَى مِنّ نَسْمَّهْ

تَعَالِي بْكَلْ إِحْسَاسْ المُوَاصَلْ والغَلا غَلابْ
وحَظ اللِي سِكَنّ قَلْبَكْ دَعَتْ بالخِيرْ لَهْ أَمَّهْ

تَعَالِي بالْمَزَحَ والا تَعَالِي غِيضِي المَرْتَابْ
تَعَالِي اشْرَحِي كِيفْ الغِيَابْ يهَدّ مِنّ إِسْمَّهْ

تَعَالِي قُولِي: إِنّ اللِيلْ مَا يَحْلَى بَدُونّ أَصّحَابْ
تَعَالِي قُولِي : إِنّ الصَبْحْ مِنّ نُورِكْ خَذَا قَسْمَّهْ

تَعَالِي اقْطْفِي أَحلَى الورُودْ اللِي إِلك تَنّسَابْ
وحَسِي الوَرْدّ مَتْلَهَفْ لمّعَانّقْ يَدّكْ / ضَمَّهْ




لـ الـولـه .

لا تخليني على نار إنتظاري
قلب تايه وانتي له كل الدورب


قارب(ن) يبحر وكيف بلا صواري !؟
وكل موجه عاتيه فيها يجوب


آتنفس ضيقتي و الهم ضاري
ومن أثر فقدك غدا وجهي شحوب

أعرف أنك وافيه فيك إنتصاري
لا تخليني مثل شمس الغروب


الوله .

أغيب لكن لاحضرت احضر وانا كلي شموخ
و اكسر غرور اللي تباهى بالشعر في غيبتي


الوله .

ما هو من الشعر توريده وتفنيده
لا والله الا بقلبي غيم تجويده

يا موطن الروح جيت بكل إحساسي
اقطف لك الشعر من أحلى عناقيده


الوله .