اضبط بيتك
شوف اذا في مجال تضع لنفسك شقة مستقلة
كثير ناس يبني جدار ويلم خصوصيته بمربع صغير ببيت اهله
صحيح انه المشكلة بتظل قائمة لكنها بتكون أخف
أجمل سنين العمر هي تلك الي يعيشها الزوجين بعيدا عن أعين المتلصصين وقاتلي الخصوصية من الأهل والأصدقاء
يتفاهموا وينسجموا وتنمو المودة والرحمة بينهم بشكل لا يصدق
وانت ماشاءالله
ما قصرت
اهلك واصدقاءك وحتى رواد مسك تدخلوا وانتهكوا خصوصيتك
الله يستر عليك

وعليكم السلام

مدري أرد على صاحب المشكله والا على اصحاب الردود اللي تجلط

شوف ياطويل العمر
طالما طرحت مشكلتك هنا ، يتناولها العاقل والخبل
خل صدرك وسيع لكل ماتقرأ

الآن أنت تقول عندك عدة أولاد
بمعنى لك أكثر من خمس سنوات متزوج" ولابد " ببيت اهلك
خلال تلك السنوات ليه ما أسست بيت لزوجتك وعيالك
ماعندك ايجار والضغوط اقل ، جهز لو ملحق خاص بهم
وين تخطيطك لمستقبل عيالك وامانهم واستقرارهم !
طيب تدري ان البيت الشرعي من الشروط الرئيسيه لأي زوجه !
بغض النظر عن تفاصيله ، غرفه او غرفتين او حتى عشه
المهم بيت مستقل تحافظ زوجتك على خصوصيتها فيه
وتوفر الأمان لأبنائك
ومالي شغل بعادات وطقوس باليه " رثعت " بأمن الأسره

الآن حضرتك مضطرب بسبب تمرد هذه المرأه
واحدهم ينصحك تأدبها وتسكنها بمايشبه الزريبه علشان تحمد ربها على نعمة وجودك
والآخر يقول لك تزوج وحضرتك تشاور ودك من يقول لك اقدم
انت عاجز عن فتح بيت لعيالك بتروج تجيب زوجه ثانيه
بعدين ماتستحي طول بعرض وعيال وللآن عاله على بيت ابوك
متى الآباء يرتاحون من مسؤوليك وبلادة أولادهم !

انا الان اعطيك النصيحه
خل زوجتك تروح لبيت اهلها هي وعيالها
واترك رعاية اولادك للناس وتزوج زوجه جديده وارجع اسكن مع بابا وماما


انت تدري ان هذه الزوجه لو لجأت للقضاء
يلزمك بتوفير بيت مستقل لهم رغما عنك
عاد ان قبلتك زوجتك جزاها الله خير
وان ماقبلتك ترجع حضرتك من جديد لبابا وماما



والسموحه إذا ثقلنا عليك

الواضح من كلامه أن زوجته رضت فيه حتى وهي تدري أن ما عنده بيت مستقل
ليش الحين تتشكى دام هي اللي رضت من البداية !

المفروض الحين تصبر وما تسوي مشاكل وتحاول تساعده وتراعي ظروفه
وأقل شي تسويه أنها تدعي عشان تتحسن ظروفهم ويحصلون لهم بيت

كثرة الشكوى والتذمر
راح يخليها تخسر حتى النعمة اللي عندها الآن
ويجيب لها الهم فقط

لو تقول الحمدلله على النعمة بتحصل زيادة

( لَئِن شَكَرْتُمْ لَأَزِيدَنَّكُمْ ۖ )

1- من ضمن العادات اللي ما تقبلتها عند بعض الناس وهو اختلاط الإخوة وحريمهم مع بعض في بيت واحد ...والمطبخ واحد ......بحجة ان كل واحد له زاوية ساكن فيها ..!!!

2- أستغرب من الرجل اللي يقبل ان زوجته رايحة جاية قدام اخوانه .. لما تروح للمطبخ أو غيره...!!

لكن أنا في النهاية مش مستغرب لأنهم كلهم فتحوا عيونهم على الدنيا وأهاليهم على هذا الوضع .....وممكن يستغربوا لو واحد استقل في بيت لوحده ...!!!



3- عمومًا لو الرجل يسكن في غرفة وفي الزاوية مطبخ وحمام ...أفضل مليون مرة من السكن مع أهله ...!!



4- دائمًا وأبدًا نقول ان الرجل لابد يكون مقتدر ماديًّا إذا بيتزوج ....عشان مايقع بعد ذلك في مثل هذي المشاكل ...!!...

لكن الأهل يزنون فوق راس الولد لين يقنعونه بالزواج ...وهو ماعنده استطاعة على إقامة بيت الزوجية من جميع النواحي ...





خلاصة كلامي :

أعتقد ان زوجتك وافقت من البداية على السكن مع أهلك ...على أساس انكم إذا جبتوا عيال تستقلوا في بيت لوحدكم بحكم المعتاد عندكم في مجتمعكم ....لكن هي تفاجأت بأن الوضع ميؤوس منه ...فـ كانت ردة فعلها قوية عليك وأنت ماتوقعت ان هذا الشي يحصل ...


عمومًا مشكلتك هي مادية .... ومش المشكلة زوجتك ....


بمعنى آخر : الحل الوحيد دبر نفسك بـ سكن مستقل مهما كان وضعه ....

ولا تحط المشكلة في راس زوجتك ... لأنه مش معقول طول حياتها رايحة جاية وسط اخوانك ..ناهيك عن عيال اخوانك الكبار ...

وهل الشرع يرضى انها تتردد على المطبخ وهي في أي لحظة ممكن يدخل عليها واحد من اخوانك ...!؟



وأعتقد المرأة اللي مش متعودة على عاداتكم راح طول وقتها تكون لابسة عباءة ومغطية وجهها لما تكون رايحة جاية وسط البيت ...لأنها حرفيًّا كأنها تمشي في الشارع لما الحرمة تسكن مع أهل زوجها اخوانه وعيالهم ...لأنها اكيد راح تصادفهم وهي ماشية في الصالة ولا رايحة للمطبخ ..



طيب سيبك من هذا كله ...وقلنا بناتك كيف ترضى انهم يكبروا قدام عيال اخوانك ..!!...هل يرضيك ان ولد اخوك اللي عمره 13سنة يخالط بنتك اللي عمرها عشر سنوات ...!!..بحجة انكم كلكم ساكنين في بيت واحد وماتقدر تستقل ..!!



لا تحط المشكلة في راس زوجتك .... لأن المشكلة مادية ..وهذا الشي
أدى لعدم استقلالك عن أهلك ...ومن ثم أدى لـ ردة فعل قوية من زوجتك ...


وعلى فكرة حنا مقدرين وضعك المادي وعارفين انك ماراح تقصر لو تقدر تسكن في بيت مستقل .....ولكن في المقابل لازم تقدر وضع زوجتك ...وهي كانت ساكتة في بداية زواجك ..لكن هي شكلها شافت الوضع زاد عن حده وكانت ردة فعلها مش كويسة عليك ...


الله يكون في عونك ....

ونسأل الله العافية ....





..