قبل عام أندب حظوظي واشتكي جور المواني
وَآتذكر بيض الايام وحكاية جوهرية


بين موعد ما عرف ياصل على قُرْبه مكاني
وبين ليلٍ في عيوني رغم إن الشمس حيَّة


والله إني خفت ذاك الوقت لآ أفقد زماني
من بعد ما راحت أحلامي نهايب من يديَّه


اسألوا مقعد حمل جسمٍ محمل بالأماني
لحظة إبحار السفينة بالأماني النرجسية


غادر المرفأ حزين .. الله يا طول الثواني
بين لحظة يأس كبرى وموت أحلامي الغبية


عندها ما عاد أشوف من البشر غير المباني
والرسوم الدارسة يبكي بها الشاعر خويه


ذاك كان العام يوم إني من الموقف أعاني
لكن أيام الفرح .. لو خانت اللحظة .. وفيَّة


والله إني دام به فرصة وعندي دور ثاني
إني لَـ افرح دام ربي بالفرح منعم عليه


ماني بجاحد نعيم .. الله من جوده عطاني
عزتي للي حياته كانت (إلْغَيْره) ضحية




لجرير

ماشاءالله ماشاءالله
ياسلاام عليك ياشاعر المكان

الشاعر القدير
جرير
اي والله
انك أحييت الاسم بجداره
قصيدة من عيون الشعر
لها وقع يطرب القلب
قبل السمع

نهلنها من نبع القصيد

العذب حد الارتواء

صح لسانك ملايين ولا تكفي

لك ودي واحترامي