. <{ من لا تدارك وقته }> .
احترت بين القمر والشمس
اليوم الأحد واحسبه أمس
ونجمة تحمس البن حمس
هيا كمل نصابك نبي الغلام

بس عطنا وصف اللي تبيها
نسأل عن طيب أمها و أبيها
تبي كاشفة وإلا لابسة عبيها
طب و تخير و تعداك الملام

حيوا شعر جاء على أصوله
يهز المشاعر عرضه و طوله
صادق الوصف من الرجوله
في الحقيقة وإلا فالأحلام

ألا يا لابس الشال والطرحة
لا لا تكسر في قلبي الفرحة
ومثلك لمثلي يداوي جرحه
وإلي مريت ابتدي بالسلام

قمر السماء لمر كل يشوفه
وقمر قلبي ابدالي محلوفه
مايشوفه إلا الله ثم ولوفه
يستغفرالله عن ردي الكلام

آه لمن سار سار قلبي وراه
وراميه بعينه الموت اعتراه
ويكره الكذب واللي افتراه
وطارق باب الهوى ما يلام

من لا تدارك وقته ما يرده
يرى نفسه وكل شي ضده
سودان الوجيه للشر تحده
غادي نهاره مثل ليله ظلام

إذا زارع الشوق سقي زرعه
تخضر أوراقه ويشتد فرعه
تحلو ثماره بها احلى جرعه
تبقى لها رسمة باحلى علام
الشاعر/ حمد بن فهد المخالده السبيعي

ماشاء الله يا حمد ..
والنعم فيك وفي قصيدك
والمجاراه من السيدة احلام
وصح لسانك ولسانها واعتلا شأنكما


شاعر العرب

صح منطوقك يا راااقي
ودمت ودام مداد حرفك ونزفك وعزفك
وتقبل من التحايا اطيبها وازكاها

ياللي غمستني بالحقيقه غمس
اي والله اني تعلمت ...الدرس
من باعك.. بالفين.. بيعه بفلس
ولا عليك من العالم..... ملام

أغليت قلب ن ولا . ...اغلاني
اغليته بسري وفي ... اعلاني
ومازلت من.. ِ.عذابي ....اعاني
نهاري.. تساوى... مع.... الظلام

اشهد .. انه كريم ن ... سنافي
لكنه...لقلبي... ما هوب.. وافي
من... غلاه ...مانيب... متعافي
ابشكيه ..... لقاضي .... .الغرام
الشاعرة/ احلام عابره

حمد الفهد
نبراس القصيد
صح لسانك ملايين.
وعدهم صح كلك
تقبل مروري ومشاكستي بصدر رحب
ودي واحترامي
====================
صح بدنك ولسانك مدد بلا عدد يحفظك ربي.

رد الشاعر/ حمد بن فهد المخالده السبيعي :-
. <{ تداركي نفسك}> .
ياللي غمستها بالحقيقة غمس
لوترى رب اليوم هو رب الأمس
قبل لا تضرب الخمس بالخمس
اصحى من قبل لانحملك الملام

ياأختي العزيزة خاطري هاضي
ليت لأهل الغرام حاكم وقاضي
كان كل رجع من عنده راضي
ومن حكم ضميره عاش بسلام

إلى زودتي الغلا وصار زعلاني
ما يستاهل مدة الكف الملياني
خذي هالنصيحة سر او علاني
غدا تلقين لك قمر يجلي الظلام

ما ينقص الحب كريم و سنافي
وينقصه البخيل اللي ما يافي
وطارق الهوى ما هوب متعافي
تداركي نفسك وعيشي يااحلام
الشاعر/ حمد بن فهد المخالده السبيعي