وش يمنعك ترسم على القاف مرسوم
وش نوع قافك واللحن ... والطواريق
قلي وانا ارسم صورتك قاف . مختوم
يرسم جمالك يا بياض ....... الغرانيق
محكوم انا في حبكم غصب . محكوم
حكم القدر يا راقي الذوق ..... والريق
قلبي تعلق والقدر صار ........ مقسوم
ياللي غلاكم في عروق ....... المعاليق
وان قلت ما لك عندنا عشق ... معلوم
والله ما طيق القول يا بنت .. ماطيق
ما تدري اني من حلا النوم ... محروم
والا انت ترقد ساير الليل ...... وتفيق
مر ي وشوفي حالة القلب .... مكلوم
جرح الهوى عذب كثير .... العشاشيق
والله لو اعلم مطلبك .... لارفع السوم
لو يتساوى مطلبك ........ والشواهيق
واصوغ من القيفان ما يحرج .. القوم
لو وقفوني واحظروني ...... المخاليق
اللي جرى يا بنت قدرة ..... ومحتوم
هذا نصيبي يا جميل .... ..... النماريق

القارظ العنزي

عودا حميدا ان شاء الله
يالغالية احلام عابرة
وصحة ايامك ولياليك
باليمن والخير والمسرات

أخي الكريم الغالي القارظ العنزي ابو فيصل صح لسانك وسلمت يداك الوضاءة وقلبك الطاهر يحفظك ربي.
ومن الحب ماقتل
وقد قيل( الحب بلا والعشق سم قاتل ).
أخوك / حمدفهد