الأيام هذي تشبه أيام العيد
بعد طول كرف رمضان ..
كل يوم متجمعين في بيت ، بس بدال فرحة العيد
فرحة السلامة ، والحمدلله على سلامة فلان وولادة فلان
وأخر الأحزان والحوادث ، اقترحت عليهم نجيب كيكة كبيرة ونكتب أسماء المتعافين
كأنو تحضير
لكن محد طق لي خبر وقررو يتجمعو كل يوم
نفس الأشخاص ، نفس الأحاديث بس في بيوت مختلفة
الحمدلله على سلامة الجميع

الحلو في هذا الموضوع ، سويتي شعرك ؟ خلاص بتحلليه حق 4 أيام قدام
وكل الملابس بتحلليها ، والميكب اللي ماستعملتيه من فترة
والأحلى إن طول أيام العزايم مافيه طبخ
ثلاجتك مليانة 24 ساعة لأن الأكل يتقسم ويتوزع
والحلا والقهوة متوفرة بعد ، نزل ايديك شتريد أكثر بعد
اليوم العزيمة في بيتنا ، والمصاب سابقًا أنا
ولا كأني قبل أمس أتحمد لبنت خالتي ، الله الله بالهدايا

في فترة من الفترات إنتشرت صورة محادثة عن واحد يطلب بنت تتواصل معاه
و رفضت قام سوا يوزر وباسوورد وقالها تواصلي معي فيه
اذكر اني حطيت الصورة في قروب العائلة و ضحكت وكتبت "مجنون"
اليوم مديري ارسل لي ايميل وباسورد وقال ماعجبني ايميلك طويل تواصلي معي بالايميل هذا
جنون البشر .

لاتنسيّك حلاوة الكلام أفعاله

الهلال يتربع على عرش الصدارة
كالعادة ياسادة

متحمسة للغد
على أمل يكون أهدأ وأحلى و أروق من اليوم
موعودة ب بانكيك أسطوري بإذن الله