إهتمامك بالتفاصيل مع ذاكرة قوية و ربط الأحداث
راح تجيب أجلك بإذن الله
الدلاخه حلوة ( أحيانًا )

إتركوني في متاهات الخيال الجرهدية
لين أسوي صُلح بين الممَكنة و المُستحيلة .

عُدنا والعوُد مسك الغلا
ماهقيت إنه متنفس حقيقي لين عرفت اني مستحيل افضفض او اكتب شي
في برامج التواصل بأريحية زي مابكتبه هنا
صبّحكم الله بالخير

يا صباح الخير
للتوُ انتبهت انِ كل تدويناتي غالبًا فالصباح
مافيه وقت الا عالوقت ادخل اشقّر عليكم حبايبي
هل فيه احد مسخن ومزكم مثلي بهالاجواء
او انا فقط ازكم بعد ماتروح الامطار ويشبعو الناس من البرد؟
ابي مليون اسف صدق

واحدة من اكبر مخاوفي هي اني ارتبط بشخص مايفهم ولايناقش
العلاقات بتنتهي عشان الناس ساكته
وما تناقش ولا توّضح الأمور ولاتتفاهم
وكلنٍ يبي الطرف الثاني يشم الكلام على قفا بده بدون محد ينطق
والله ناس غريبة
ترى مافيها شِيء ان سألتم او تكلمتم !
وين المشكلة اذا بادرت بالسؤال وكبرت عقلك و ريّحت راسك ؟
العقل نعمة
بعضهم حتى ان جيت وناقشت مايرد عليك
هذا فرقاه عيد صدق