مرحبا

انا اشتغلت ٤ سنين في حياتي كلها كانوا أسود ٤ سنين مروا عليه واكتشفت اني من الناس اللي لا تصلح لأي وظيفة .. او خلينا نقول محتاجة وظيفة تفصيل
وقت ما يجيلي مزاجي أروح أروح .. ووقت ما يجيلي مزاجي أمشي أمشي
يعني وظيفة بلا قيود .. ضيفي علي كده ان دخلها كان متواضع جدااااا أو اقل من المتواضع كمان ..
من كتر ما كان متواضع كنت لما بقبض كنت بشتري بالقبض كله وانا مروحه حلويات لأختي اللي كانت في ثانوية عامة وقتها .. يعني تسالي .. طبعا الكلام ده من فترة طويلة جداا
^ حتقوليلي طب ايه اللي كان غاصبك علي كده وخلاكي تقبلي حقولك قلة عقل بعيد عنك .. وعلي رأي أحمد سعد اختياراتي مدمرة حياتي
يالا اهي ايام الله لا يرجعها

الخلاصة انا ضد عمل المرأة إلا لو كان بزنسس خاص بيها
هي اللي تحط قواعده وهي اللي تبقي مسؤلة عنه ومحدش يتحكم فيها وفي الأول والأخر يكون بيدر عليها دخل محترم ومحترم جدااااا كمان ..
^ لو كل الحاجات دي متوفرتش تقعد في بيتها معززة مكرمة وتشتري دماغها ..
بلا إثبات شخصية بلا طموح بلا تقدير ذات بلا بلا بلا
احنا بالوظيفة احنا ومن غير الوظيفة احنا برضه .. قيمتنا منا فينا

ميرسي يا حلوة




.