العشوائيات كثيرة
مدري هي عشوائيات ولا فوضى
لكن بالنهاية انا ماحب الروتين

منها
تسمع صفيرة قدر الضغط الساعة ٢ بالليل والكبسة على الصحن قبل صلاة الفجر

احب الفلف وسط المزارع آخر الليل
نظام المزارع خط بين المزارع
انزل القزاز واستنشق هوى طبيعي
مع كوب سبانش لاتيه << ترى كذا يعنني مدلع نفسي

احيان تنط ارنب قدامي
احيان ذيب
احيان كم حبشي .. اللي بيده مطرقه
واللي بيده فاس
ويزغرون والامور طبيعية
احيان اطب بكمين يتصيدون الحبوش
ويحسبوني جاي لهم
وينفظوني نفظ
الامور سهالات



ماحب اكون بلوك ثابت
احيان سكسوكة احيان خليجي
احيان اطول شعري احيان على خفيف
واحيان ع الجلده

احب اجلس تحت المطر

امور واجد

كل اللي ذكرتيه

ولازم إذا في مطر أوقف تحته
مع أن اللي حولي عكسي يهربون

ومن الأشياء اللي كانت تعجبني وللحين تعجبني
بس ما صرت أقدر أسويها نفس قبل

لما كنت بطفولتي أروح البحر مع أهلي
وأقعد على الشاطيء وأتامل منظر الغروب
وأمسك ذيك الصدفة مدري شو أسمها
وأحطها على أذني وأسمع صوت البحر
كان شعور جميل

وأحب أروح لبيتنا القديم اللي عشت فيه طفولتي
وأسترجع الذكريات مع أن المكان تغير شوي
بس لما أروح على طول ترجع الذكريات
وبيتنا الثاني بعد نفس الشي
لأن أنا جربت أعيش في ثلاث بيوت
بس الأول كان غيير رغم بساطته

و مرات أحب أقعد مع نفسي وأتذكر كلام الناس بالصوت والصورة
حتى لو مو موجودين أتذكر أصواتهم زين

وبعد إذا سمعت صوت العصافير أركز معاهم وأحاول أفهم شنو يقولون

حتى صوت الحوت من الأصوات اللي أحب أركز فيها ما أعرف ليش
> مسوية نفسي يعني بفهم لغتهم

وبعد في شي أحب أسويه مع أني خلصت المدرسة من زمان
بس لو أروح المكتبة لازم أشتري دفاتر وأقلام
خاصة الأقلام الملونة

وغيرها كثير أشياء

بالنسبه لي
انه اتسمع ل الراديو زي زمان
شكل الدفايه الكهربائيه الحمراء القديمه ايام ماكنت عايشه في الرياض
حاليا كل فين وفين اروح عمارة الكورنيش اشتري عطور ومكياج
واختم النزهه ب ساندوشتات الكبده من القريات الذهبيه المقابل ل عمارة الكورنيش
صوت الحمام في الصباح