مجارة بين شاعرة و شاعر
قالت الشاعرة / احلام عابره :-
الله على صاحبي آليا اسهب البوح
كن الحبر جٓدوٓل بالبساتين .يجري

ينثر عطور الحرف تنتعشبها الروح
كنها غلا محبوب بالشرايين يسري

يالي رحلت وتركت القلب مجروح
ماعاد الأمر في غلاكم ........امري

الا أمر قلب على اعتابكم مطروح
تروح لك فدوه باقي سنين عمري

كيف تترك مغليك بحيرته.. وتروح
اسير غلاكم واتعبني طول.. أسري

عاود ولاتراني من الشوق. مذبوح
ماعاد لقلبي على الجفا ....صبر ي
الشاعرة / احلام عابره
=======================
رد الشاعر/ حمد بن فهد المخالده السبيعي :-
. <{ غلاكي مذهب الروح }> .
هيضني البلبل غنى بعالي الدوح
(احلام)مجروحه كانك ما تدري

صرخت صرخة يابلبل عني روح
دوَّتْ صرختي تو ما طلع فجري

آه جرح المحبة صاحبه مطروح
ما لومها جرحها قديم لا عصري

ادري ياللي غلاكي مذهب الروح
يا وردة البستان عنا لاحد يدري

حطوا العين كل ما أجي واروح
ودي اجي لكن ظلم الليل بدري

ريحة العطر مني و منكي تفوح
حاسد و حاسدة ضيقوا صدري

سلامة قلبك وروحك ومسموح
أنا لبد أقبل عذرك و تقبلِ عذري

من طرق الهوى كم وكم مذبوح
القلب قبل الرجل صوبك يجري

يكفي الكلام في العين مشروح
وصبرك ياهوى البال حد صبري

ختمها صلوا على نبينا الممدوح
محمد تنالون شفاعته بعد القبري
الشاعر/ حمد بن فهد المخالده السبيعي

أخي الكريم الغالي النسيم المسافر سلمت يداك الوضاءة وقلبك الطاهر يحفظك ربي دين ودنيا وآخرة اسعدني مرورك الأروع والأجمل يسعدك ربي سعادة لا حد لها في كل مكان وزمان اتمنى لك السعادة ماحييت اللهم آمين.
ربي يزيدك إحترام وتقدير في قلوب كل البشر ويكفيك شر الأشرار وكيد الفجار وسؤ الليل والنهار وشر الحاسدين والحاسدات والحاقدين والحاقدات آمين.
أخوك / حمدفهد