تحية لذاك الختيار السبعيني
الذي قال
لزوجته الخمسينة
( اهلين حبيبتي )

العواطف والعقلانية
تحتوي
تصاعد الاعمار والطفولة معا


ايه والله

تشربوا شاي

من الحالات النادرة

كان في رواية قرأتها فيها طائر هدهد
هذا الطائر كان دايماً يجي للبنت لما تكون زعلانة
ويقعد عند الشباك عندها

كانت تسميه هدهودي
وتقول هذا ملاكي الحارس
يعني أنها تحس كأنه ملاكها الحارس

أنا عجبتني سالفة طائر الهدهد
وصرت أقول وأنا وين هدهودي ؟!

المهم
من كم يوم صرت أشوف طير جميل وصغير
كل فترة يجي يطق شباكي ويروح
وكل مرة نفس الطير هذا

وتذكرت الهدهد اللي في الرواية

كان لونه أزرق وأول مرة أشوفه
ولما دققت وبحثت في النت عشان أتأكد
طلع هذا طائر الهدهد



الظاهر أنه هذا هدهودي أنا
وشكلي صرت نفس البنت اللي في الرواية

حالة نادرة ثانية

هذي الحالة قصة شفتها بالحلم قبل كم يوم
وجداً أثرت فيني وصحيت من الحلم وأنا متضايقة

كان في الحلم في بنت عندها مشكلة في الدماغ
وبسبب هالمشكلة كانت تحسس من أبسط الأشياء وممكن تموت
يعني حالتها خطرة جداً

ل درجة أنه حتى إضاءة الجوال تأثر فيها وممكن تقتلها
تخيلوا ل هالدرجة تحسس !

من بعد هالحلم صرت أفكر
كيف في ناس عايشين حوالينا و يمكن يعانون
وعندهم مشاكل ما نعرفها وممكن أشياء بسيطة تأثر فيهم وتقتلهم

الشي اللي نقدر نتحمله يمكن غيرنا ما يقدر يتحمله
مو كل الناس عندهم نفس قوة التحمل
ويمكن يستحملون وما يتكلمون بس يعانون وهم ساكتين
ويبون الناس يفهمونهم ويحسون فيهم وما يأذونهم

ل هالسبب أفضل أسلوب اللطف والتفاهم أكثر من الشدة والقسوة
وأتضايق لو انجبرت أعامل أحد بقسوة
وأفضل أنه يكون آخر الحلول
وحتى مع نفسي ما صرت أحب أكون قاسية إلا نادراً ..