اهلا ومرحبا بأم احمد.. مدام هيرا..
انت تستطيعين المشاركة مسؤولة عن بناتك..
هل تقبلين لبنتك العمل في صالونات نسائية
تدار من قبل نساء ولكنها صالونات عصرية
تمشي على الموضة وتعمل حسب رغبة زبائن..

انا ك هيراا لو عندي بنت مستحيل حوافق أصلا انها تشتغل مع حد
مش علشان حاجة غير لاني بترعب علي البنات عموما من مجالات بحس انها مش بتشبههم
أو انهم يخالطوا مستويات مختلفة عن مستواهم .. بيبقي في فرق تربية واضح
وكمان انها تكون في بيئة لا أعلم عنها شيء دي كمان مشكلة تانية
ده غير ان البنات بقالهم كام سنة حد لاعب في اعدادات عقلهم و ما شاء الله بيتفننوا ازاي يفسدوا بعض
لو ضروري وعايزة تشتغل في المجال ده انا حعمل لها بزنسس خاص بيها
يعني تبقي هي الإدارة مش العاملة
يعني يكون في ضوابط وحدود بينها وبين الشغالين معاها
^ مش بحب اقول شغالين عندها


ملحوظة

الناس اللي بتشتغل الشغله دي سواء كانت محتاجة للشغل او هي حابه طبيعة الشغل لهم مني كل الأحترام طبعا ... لكن معلش انا عقلي وتفكيري كده .. بناتي لأ








.

اهلا بحضرتك مرة ثانية يا فندم..
يعني مشكلتك بقا مع صالون بذاته وليس طبيعة العمل!!
يعني لازم تعمل مديرة او بلاش الشغلانة دي!!
وحتى لو فتحت صالون لوحدها.. وتعمل محرمات
مثل نمص وصل صبغ قطع.... الخ..
عادي بالنسبة لك ولا راح تعترضي عليه؟

وليه اعترض !!

طبيعة الشغلانة لو بضوابط شرعية طبعا موافقة
اي حاجة فيها وصل اكيد حرام سواء شعر او رموش أو غيره
بخصوص ازالة شعر الوجه كاملا والحاجب تظبيط من باب النظافة ايه الحرام في كده
ربنا سبحانة وتعال جميل يحب الجمال .. وزينة المرأة مطلوبة

معلش سؤال

هو في راجل حيقبل انه يعاشر واحدة لها شنب وذقن ويحس انها راجل زية ؟؟
انت شخصيا حتكون مرتاح لما تكون خطيبتك وشها مليان شعر
مش حتقول عليها مش نضيفة ولا مهتمة بنفسها ولا هي ازاي سايبه نفسها كده والا ايه المنظر المقزز ده ؟؟؟

ده البنات بيبقوا علي سنجة عشرة وبتطلعوا فيهم البربري في الاخر

الخلاصة ... طبيعة المهنة اه طبعا موافقة عليها جداا
فكرة الحلال والحرام في فرعيات الشغل نفسه اكيد حنسال فيها
ايه يجوز وايه لأ ..


إنما امشي في طريق هذا ما وجدنا عليه آباءنا ونقول حرام في المطلق كده اكيد لأ

اهلا ومرحبا بك مرة أخرى مدام هيرا
الفكرة وصلت.. شكرا جزيلا على المشاركة