السلام عليكم انا قبل فتره حوالي سنه كذا عرفت شخص في برنامج (التيل)وكنت اشوف رسايل الناس له وردوده وكذا ماكنت اكلمه البرنامج هذا يخليك ترسل لناس بس بدون مايعرفون هويتك المهم بفتره من الفترات لاحظت الناس يقوون له يافلان ارجع لحسابك يقصدون حساب الانستقرام هو مشهور فيه المهم ويلحون عليه وهو رافض وكان كاتب بالبايو حقه "يومها بين يديني والغلا عادي ويم قفت تفجر حبها فيني"وانا رحت ارسلت له السلام عليكم يافلان عندي فضول اعرف قصتك وليش انت فيك كل هالحزن وهو وقتها كان مقفل حسابه الانستجرام بعدها اقنعته وسوا حساب ثاني ورحت له فيه وقال لي قصته واللي هي انه كان يحب وحده وقعد معها ثلاث سنوات وهالوحده قبل سنه تقريبا توفت انا يوم رحت له رحت له على اني مو بنت وكان يحسب اسمي خالد فا واسيته وحاولت اخفف عنه وكذا بعدها بندت الحساب وجاني تيل قال وين الناس ارجع وكذا ف رجعت له من حسابي الاصلي وعرف اني بنت وقتها وبعدها من يومها الى الان واحنا كل يوم نسولف ونفضفض لبعض صرنا جدا مقربين وهو الحمد لله بداء يتجاوز او يتخطى وفاه اللي يحبها تماما ولكن المشكله مو بهذا كله المشكله اني بديت احبه واتعلق فيه ياجماعه ونا مالي بالحب ولا ابي احب بديت احبه واكره وقتي بدونه يومي يصير كئيب اذا ما كلمته واخاف اعترف وانكسر لانه رافض فكره الحب مره ثانيه لكن الغريب انه مرات يهديني اغاني او يقول انتي من افضل الناس اللي عرفتهم وطيب معي وانسان ينحب غصب حاولت ابعد فتره لعل وعسى تبرد مشاعري بس عججزت تكفون عطوني حل