تصدقين حتي انا ودي في بلكونه لكن المشكله ماعندنا الا يالله الحوش يالله السطح..
نفسي في بلكونه تطل علي روض اخضر او نهر او حتي شارع والناس رايحه جايه
المشكله الثانيه ان جو الشرقيه مايساعد يادوب شهرين شتاء وبعدها حر وصيف والادهي والامر رطوبه وينك ووين الروقان ...

هيرا تدعي من قلبها هههههه

كان نفسي زمان اهاجر....وتحديدا لبولندا ...
بعد الزواج والاولاد انتهي الموضوع بالنسبه لي...
اتوقع لو تأخرت كم شهر فالزواج كان لقيتوني ادير هالمحادثه بالبولندي هههه

ممنوع من عزف العود...
ياناس احبه واحب اسمع سواليفه..
صوته يشتت هموما عايش( ن) فيها..!
يامر وينهي وانا دايم علي كيفه..
ارجي ورود الهوي تنبت ب اراضيها. !
ظل ظليل علي وغصونه مريفه...
شمعة زماني عسي الله لايطفيها..!
. ...
هالموضوع بينكب عفشي بس عادي الله والعفش عاد ..
المهم الكلمات اللي فوق ..اخر كلمات عزفتها علي العودفي تمام الروقان قبل لايتكسر علي راسي
تعلمت ع العود ايام الجامعه بسبب صديق سوء عتيبي
ازعجني ب لا لاتضايقون الترف لا تضايقونه ..
يعزفها الصباح وبعد الغداء وقبل النوم لأنه مايعرف يعزف الا هي...
المهم تعلمت للعود ودندنة وتفننت بس صرت اخبي العود فالسياره اذا رحت البيت الين في يوم اخذ ابوي سيارتي في مشوار ويبدو ان فيه احد من العائله بلغ عني ههههه
سبحان الله لازم تلقي في كل عائله واحد مخبر مهمته يغث الجميع ..
الوالد رحمة الله عليه كان مرهف الحس " لين العريكه" صلاة الفجر اذا كنت عنده فالبيت يقومني عليها بصوت ابوي حنون " صل ياحمار" وكنت اقوم اصلي مع ان الحمير مش مطالبه بالصلاه ..!
طبعا اذا ماقمت توقع شوته علي الظهر تشبه شوتات " علي مجرشي" قويه وطايشه ممكن تلقط خشمك معها ...
في ذاك اليوم الموعود قمت علي "عود"رنته علي راسي لايزال يتردد صداها في جمحمتي..!
المهم حرممت العود من بعدها ورغم وفاة الوالد ورغم شرائي لعود الا انني فقدت الرغبه فالعزف ربما احتراما لرغبته و ربما اكثر لان جمجمتي لم تستوعب الضربه بعد...!

وبس والله

من الأشياء اللي نفسي أسويها هي ( عملية التجميل ) ...

لكن مستحيل أسوي عملية تجميل لأنها راح تكون فضيحتي في كل مكان .....يعني حرفيًّا سمعتي راح تكون تحت الصفر ....وراح ينظرون لي الناس بـ استحقار ....وراح تكون ممسك علي وعلى ذريتي من بعدي ...

وراح أضطر اني اترك مدينتي وأسكن في مدينة بعيدة محد يعرفني فيها نهائيًّا .....يعني هجرة بلا عودة وبلا تواصل وبلا زيارات .....إلى أن تغيب شمسي عن هذي الحياة ....


.....