يا الخواف الله يسعدك

اديني خلاصة الموضوع في سؤال ينوبك ثواب علشان اختك خولقها ضيق ومش حمل أقرأ كل ده

لا بالعكس والله عندك طريقة بسيطة في توصيل المعلومة
والمعذرة منك لو خليتك عدت التوضيح

بخصوص سؤالك

الأجابة بسيطة
لأن بعض المشايخ الناس او خليني اقول الشباب تحديدا بياخدوهم قدوة
ف لما تيجي تقول كلام للشباب وهو يقتنع ويلتزم بيه وبعدين تيجي انت تتحول وتعمل عكس كل اللي بتقوله هنا بتحصل عندهم صدمة

حديك مثال
الداعية .. معز مسعود

انا مش عارفه الحقيقة ده تصنيفة ايه
هل هو شيخ والا داعية والا باحث والا ايه بالضبط .. المهم يعني

كان بيكلم الشباب في الدين وفي حلقة كلم البنات عن الحجاب ومثل الموضوع ب الفرق بين الحلوي المكشوفة اللي الذباب بيتلم عليها وعن الحلوي المغطاه وازاي هي محفوظة ومش عرضة للحشرات وووووو الخ

طلع علينا الباشا واعلن ارتباطة ب ممثلة مشهورة
وصور مراتة يوم الزفاف كانت عريانة ..
المهم قعد معاها فترة وطلقها بعدها
اتجوز ممثلة تانية أساسا كانت اعتزلت ولبست الحجاب وأطلقت من زوجها وقلعت الحجاب ورجعت للتمثيل وجه معز باشا اتجوزها

بالله عليك ده تقول عليه ايه
وايه رده فعل الشباب اللي كانوا بيسمعوه وواخدينة قدوة

عارف لما لاقي هجوم عليه طلع برر اللي عمله بأيه

مش شرط كل اللي اقوله في الميديا اعمله في حياتي الواقعية
^ حاجة بالمعنى ده


^ نعم !!!!!
بتهرج انت ؟؟؟؟
انت مسؤل قدام ربنا سبحانه وتعال عن كل واحد انحرف عن الطريق السليم بسببك

الغريب بقي والعجيب ان أول زواجه له قبل الاتنين الممثلات دول
كانت محجبة وطلقها
.
.

الخلاصة أخي .. في ناس عندها القدرة علي الفصل
يعني لو اتصدم في قدوتة ده مش بيأثر عليها
وفي ناس ضعيفة محتاجة دايما للي يكون ساندها ويفكرها ب ربنا ودول لما بيتصدموا بيتوهوا ومش بيعرفوا يكملوا


^ اتمني مكونش طولت عليك
مودتي لك يا طيب



.