السلام عليكم
انا وحبيبي حبينا بعض من روم ثاني وقررنا نشترك بفلوسنا ونفتح روم خاص فينا بتطبيق شات كتابي كنا روم جميل واصدقاء بعد مرور فتره اكتشف نفاقهم وقرر ينتقم ويطلعهم على حقيقتهم وعلمني وخلاني اساعده كوسيله للانتقام بأن اروح اشتم شخص بعدها نحظره ونشوه سمعته ونشوه بعد سمعه بنت انها تحب شخص معين وننشر هالخبر وننشر المحادثات ونستدرجهم للحرام ولما يتفاعلو نحظرهم ولما نروح لهم نغير اسمائنا لأسماء وسخه جدا عشان يقعوا في الفخ وفي الغالب نحن الغلطانين بعد وهم بعد غلطوا ويريدني بعد انتقم لأشخاص اذوه هو وما اذوني انا ووافقته وكان يريدني استدرج الشباب بأسماء وسخه ادخل فيها وبكلام وسخ وارسل لهم بالخاص وافتنهم وافتن الناس واعذبهم عشان يهربون من غرفة الدردشة وننتقم الحين الناس بالغرفه الدردشية كرهوا حبيبي ومايكلمونه وشاكين بيه وفرحت لان انتقمت منهم المنافقين هذيلا وهو يفرح بعد لما ننجز هالشي ويقول كفو تربيتي انتي واستاهل لقب قاهرهم وكذا لكن تضايقت لان حبيبي خلاني ذيل ووسيلة للانتقام من ناس ما اذوني بعد واستغل معرفتي لمعلومات بعض الأعضاء وقال عشان اذا صارت مشكله افضحهم وجبرني اعلمه عنهم ويريد يعرف عن بياناتهم وشكله يريد يهدد بنت سالني عن اسمها وياخوفي يكون يريد يسوي معها علاقه ويجبرها على هالشي او يغضح اسمها ويتوسل بطريقه حلوه عشان يعرف معلوماتهم واخاف تطلع حوبتهم فيني واخذ ذنوب كل من فتنتهم بألقابي الوسخه والكلام الوسخ وصارو مثلنا يتكلمو بكلام قبيح كلها ذنوب وانا مثل الغبيه طاوعته بكل صغيرة وكبيرة بدون تفكير وفضحت ناس تدخل بأسماء ثانيه ويتنكروا واصور محادثاتهم وانشرها هذي فضيحه فلان واي علاقات نكون نحن ذنبنا ياريتني ماطاوعته بفتح روم ولا سويت كل ذا ارجوكم ارجوكم شسووووي مع حبيبي وبغرفه الدردشه وبذنوبي كيف اكفر عن ذنوبي مع هالناس الي اذيتهم؟؟؟؟؟؟؟؟؟؟؟؟

َوكيف اتوب من دخول ذي الغرف وبامانه غرف كأنها غرف واوكار للرذيله الا من رحم ربي اغلبها مواعيد وغراميات وكلام وسخ وانا بعد صرت مثلهم ومو قصدي اعيب على احد ولا ابري نفسي انا مثلهم الله يهديني ويهديهم هل لي توبه؟؟؟؟؟

وشو اسوي مع الي احبه ابتعد عنه او أضل معه؟؟ لاني ماعدت اثق فيه وصوري معاه وياخوفي يهددني اذا ماطاوعته ويفضحني بصوري او معلوماتي او اي شي هل ممكن يعملها؟؟ !!!

- حاسه نفسي مسلوبه الاراده اطاوعه بأي شي وما اشغل عقلي.

ارجووووكم اريد حل يغيرني للطريق الصح.