مجبوس من مطبخي - منتديات مسك الغلا

**بدور** · 02-25-14, 02:53 PM

السلام عليكم و رحمة الله و بركاته

الكمية لـ 6 أشخاص..
مـدة الطبخ ساعه و نص

المقـــآدير ..

كوبين عيش ( رز ) بسمتي
بصلتين مقطعات شرايح
3 فلفل مقطع الواحد نصين
3 بطاطات مقطعات نصين
4 طماطم مقطعات شرايح
3 ملاعق صلصة طماطم
فصين ثوم مهروسات
بقدونس مفروم
ديايه

بهـــآرات ..

ملعقة و نص بهار خاص للمجبوس
ملعقة بهارات مخلطة بفلفل احمر
نص ملعقة فلفل اسود ناعم
نص ملعقة فلفل احمر ناعم
6 اوراق كاري طازج
ملعقة كاري ناعم
ملعقة و نص ملح
نص ملعقة كركم
4 حبات هيل

الطـــريــقة ..

*الديــآي

نقطع الدياي لـ 6 قطع نغسلهم و نبهرهم و نقليهم
( مجرد ان الدياي يصير احمر نطلعه صح انه مب
مستوي لكنه بينضى عقب لا تخافون ) > مافي صور

*المـــرق

نحط القدر على الضو لين ما ينشف الماي الباقي و يحر و نصب
الزيت (لا تحطون الزيت في القدر و القدر بعده فيه ماي عشان
لا يحرقكم ) ..و بعد ما نخلي الزيت يحر نحط البصل و الفلفل
و الثوم المهروس

بمجرد ما لون البصل يصير فاتح شوي اضيف الدياي المقلي و البطاطا
و نص كمية البقدونس المفروم .. اقلب اللي ف القدر و اتحمل عشان لا
يتكسر الدياي عندي و اسكر القدر لمدة 3 دقايق عشان ياخذ الريحة

اضيف البهارات " كل شي ما عدا حبات الهيل " و ارجع اقلب الدياي
و البطاطا و اسكر القدر مده دقيقتين و اخف على الضو عشان لا تحترق
عندي البهارات

احط صلصة الطماطم و اقلب اللي في القدر على طول و اصب الماي
المغلي عليه " لتر و نص " ارفع على الضو و اضيف شرايح الطماطم
و الباقي من البقدونس و حبات الهيل .. احرك المرقة بالملاس و اخليه
و اسكر القدر و اخليه يطبخ ما لا يقل عن 25 دقيقة

*العيــش ( الرز )

قبل ما اسوي كل اللي مذكور فوق احط كمية العيش بماعون واسع عشان
يتمدد على راحته و ابدا اغسله بالماي الدافي بحركة خفيفة عشان لا تتكسر
حبات العيش عندي .. اغسله 3 مرات لين ما يصير لو الماي شفاف عندي او
شبه شفاف مب مشكلة .. و اسكره و اخليه لين بعد ما ينضى الدياي و المرقة
تصير كميتها مناسبة للعيش ..

اشخل العيش و اطلع الدياي من القدر لاني لو طحت العيش بالمرقة و الدياي موجود
راح يتكسر عندي الدياي لما احرك العيش ..

احط العيش بالمرقة و احركه بالملاس مره وحدة و اسكر القدر و ارفع على الضو
و اخليه مدة عشر دقايق او لين ما تسمعون صوت الفقاعات اللي بالقدر .. نفس
ما تشوفون في الصوره ..

رجعوا وزعوا الدياي على العيش و قصروا على الضو كثر ما تقدرون و لو عندكم
العازل اللي ينحط تحت القدر عشان يخفف حرارة الضو بعد حطوه .. و نثروا
على العيش و الدياي من فوق قرفه مطحونه و سكروا القدر لين ما ينشف على الاخر

و بالعافية على قلوبكم

المواضيع المتشابهه للموضوع : مجبوس من مطبخي
الموضوع	كاتب الموضوع	المنتدى	مشاركات	آخر مشاركة
بنك باستا من مطبخي الجديد	جوج1	قسم المطبخ للوصفات التحضيريه	34	02-09-17 08:35 AM
من مطبخي	ملااك ملوكة	قسم المطبخ للوصفات التحضيريه	36	12-28-16 08:30 AM
برياني الدجاج من مطبخي	ليان	قسم المطبخ للوصفات التحضيريه	4	11-29-12 10:48 PM
من مطبخي المعكرونة بالجبن	اسومة	قسم المطبخ للوصفات التحضيريه	24	05-06-12 09:02 PM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض		شات حسبتك لي	شات تعب قلبي الصوتي	شات تعب قلبي الكتابي
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات تعب قلبي	شات حبي	شات الخليج
شات مملكة الحب	شات بنت السعودية		شات السعودية	شات دلع السعودية	شات سعودي كام
شات فلة الخليج