ثلاث ملامح لوجه واحد



على الغدير كانت سما..
ويرمي الضما وجهي عليه
على الغدير .. وجهي وسما ..
لين ارتمى وجهك عليه ..
على الغدير ..
وجهي .. ووجهك والسما ..
من يسبق ويملى يديه ..
يشرب ملامح صاحبه ..
ليت السحاب ..
يظهر على المدى الباهت ..
وتمر ثلاث طيور ..
بين العتم والنور ..
ينبت شجر .. واعشاب ..
وطفلٍِ يبيع زهور ..
يولد ..
وتتحول الاخشاب ..
كرسي ..
واجلس انا وياك ..
قبل الظلال هناك ..
في أخذ الصوره ..
على سلة السيف الصقيل ..
يتكحل سيفين ..
وينزف قتيل ..
واليوم عيد .. يا اللي الجفا وصلك ..
ومشغولة في كحلك ..
وشلون انا بحايدك ..
امرايتك سيف ..
و ذ بحي انا .. عوايدك

تخيل





تاقف على اطراف الهدب .. وماشافتك عيني

صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيـّــل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيّــــل ...

بحر العيون

تقول اللي طرف عينك أنا مدري هدب أو عود
أحس أني من اللي صابها ما شوف قدامي
همست وقلت لا تخافي على بحر العيون السود
على شط الكحل مريت وهذا موضع أقدامي

أدوّر عن ذهب عمري بقايا كنزي المفقود
وأشوف الموج يطوي الموج ويبحر مركب أيامي
عيوني بسمة أعيونك ولو صارت مطر ورعود
أبشرب من ظما دمعك وابغسل جرحي الدامي

عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي



كلمات: بدر بن عبدالمحسن
ألحان: محمد شفيق
مقام: بياتي

ارحلي

إرحلي .. واتعذري
لو طلبت .. منك طلب
وازعلى .. واتغيري
الشقى علينا انحسب

ونحس بعذاب الليالي
انتي لحالك وانا لحالي
إرحلي واتعذري .. وازعلي واتغيري

إرحلي عن دنيا كانت نعيم
واتركي فيها سرنا المكتوم
وقول لي عن حبنا القديم
الحب ذا ما يمكن يدوم
إرحلي واتعذري .. وازعلي واتغيري

ارحلي .. ياهاك العيون
واخفي الدمعة لو بكيتي
إن كان الفرقا علينا ما تهون
أنا باشكيها لو ما شكيتي
إرحلي واتعذري .. وازعلي واتغيري



كلمات: بدر بن عبدالمحسن
ألحان: محمد عبده

من رجعك ؟!
كنت السفر , من رجعك !
ضآع الطريق آوؤ ضيعك ؟!
لا تقوؤل آحبك , لآ تقوؤل
عآلي السكوؤت , مآ آسمعك !

تذكر في يوؤم الفرآق
لمآ وؤقفت اوؤدعك
نآديت ي عمري آبييك =""
وؤ بكيتها عيوؤني عليك
وؤ تركتني الله معك
لا تقوؤل آحبك , لا تقوؤل
عالي الصوؤت , مآ أسمعك

ي صوؤتك النآحل
في ضجت ظنوؤني انت الزهر ذآبل
في قلبي وؤ عيوؤني



صدقني مآيفيد العتآب
وؤ صدقني مآيفيد الندم
تبغآني آحبك للعذاب *!
وؤ لآ آحبك للألم *!
آنا حتى مدري وؤش تقوؤل ؟!


عآلي السكوؤت , مآ أسمعك

عآلي السكوؤت , مآ أسمعك

شكرا لك على الموضوع المميز

شكرا لك على الموضوع المميز

حبيبتي...

ردي سلامي للهوى .. عذب السلام ..

وأغلى الأماني وللأمل .. كلمة ملام ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...

سنين .. مرت وما أدري عن الأيام ..

يقولوا تفرق الأحباب ..

وانا أقول القمر ما غاب ..

من أول يوم تواعدنا ..

أثاري الوقت يخدعنا ..

ويبعد عننا الأحلام ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...

حبيبتي يا نظر عيني ..

أشوف الليل ما بيني .. وبينك .. وكل الناس ..

أحس فـ نظرتك معنى ..

ودربٍ كان يجمعنا على الإحساس ..

قولي له إني ما هقيت ...

إني الى نحت وشكيت ..

ترجع ليالينا سوى شوق وغرام ...

ادفن يدي .. تحت الثرى

واسقيها من جفني ارق ..

يذبل مابين اصابعي ..

عشب و ورق ..

ادفن يدي .. فوق الثرى ..

يلفها برد وسموم ..

واحس بعروقي يبست ..

ما توصل عروقي الثرى ..

ولا تشرب عروقي النجوم

وينبت على جفني سهاد ..

يذبل ورا صدري الشجن ..

اشقق اوراق الزمن ..

وانام ..

في حلقي الليله جفاف ..

شربت أيامي .. ومضت ..

واللي بقى جرحي الوفي ..

في خاطري باب يرد ..

وسراج دوبه ينطفي ..

اغطي الظلمه بظلام ..

كل ما اشد اصابعي ..

على العيون المتعبه ..

جرحٍ ينام .. وجرحٍ شعر بي وانتبه ..

قام وتبعني لشرفة ظلمه بعيد ..

جاني يقاسمني السهاد .. جاني قصيد ..

ادفن يدي تحت الثرى .. فوق الثرى ..

واعيش انا بباقي يدي ..

نصفٍ يموت .. ونصفٍ درى انه يموت ..

يا سيدي .. ربي انا نقطه فـ بحر ..

علمني كيف اهوى الحياه ..

علمني كيف اهوى القدر ..

علمني بإماني اكون ..

يارب .. اكثر من بشر ..

ما-أعرف-له-أشعار-بس-أحب-أسمع-مؤلفاته-وشعره-عالطاير:x124:
مشكووورة-يا-الغلا-كلك-ذوق:x23::MonTaseR_197:

سوالف ليل ..

بجنب المنقد الغافي ..

على حد السهاد ..

تحدثنا في تالي ليل ..

زرعنا سرنا الخافي ..

على شفاه الجمر معنى ..

وخفنا الناس تسمعنا ..

يا انتي .. لاتوادعنا...

في تالي ليل لاتخافي ..

بنلقى اللي بقي معنا ..

سوالف ليل ..

أو حفنة رماد ...