مساحة للبدر ... آحبتي اعضاء ورواد منتدى مسك الغلا أستسمحكم بهذه المساحة لأننثر بها روائع البدر . . الأمير الشاعر بدر بن عبدالمحسن هو غني عن التعريف به ، ومن أجل هذا سندخل في صلب الموضوع ,, فـ أهلا بالجميع .. . . |
|
|
|
ياسلام ع بدر بن عبدالمحسن بجد اشعاره لها نكهه خاصه ~ مع انه ماني متابعه لكل اشعاره بس تعجبني كثير .. اختيارك كان رائع وذوق .. يسعدك ربي . |
|
اقتباس:
أجمل اغاني عبادي الجوهر |
|
((انتي حلم )) انتظرتك .. عمري كله .. وانتي حلم ومرت الايام والله .. وانتي حلم.. ليه تأخرتي علي .. توهي مره واسالي .. كوني في غير الزمان .. والا في غير المكان كوني عمري .. عمري كله.. اللي باقي .. واللي كان.. انتظرتك عمري كله .. وانتي حلم .. كل نجمه شعشعت والقلب عتمه .. كانت انتي .. كل حرفٍ حرك شفاهي بكلمه .. عنك انتي .. وكل حبي اللي مضى والحب قسمه .. منك انتي .. كانوا الاحباب ظلك .. بعض احساسك ونورك .. ما عرفتك يوم كلك .. ياللي في غيابك حضورك .. انتظرتك عمري كله .. وانتي حلم .. هذا إنتي .. قولي والله إنه إنتي .. وين غبتي ؟! .. عني هذا الوقت كله .. وين كنتي ؟! .. شيبت عيني طيوفك .. وما أصدق إني أشوفك .. ياللي قلبي في كفوفك .. نقش حنا .. وفي جديلك عطر ورد .. آتمنى .. لو تكوني في فراغ اعيوني وعنى وفي سموم ضلوعي برد .. ليه تأخرتي علي .. وما طرى لك تسألي .. ليه نأخرتي علي .. وما طرى لك تسألي .. إنتظرتك عمري كله عمري كله .. وانتي حلم |
مرني .. أجمل زمآنه ..‘ ومآ سألته : إسمه ، عنوآنه ، مكآنه..! مر في قلبي ورآح .. خطوته مسّت جرآح آه .. مديت النظر .. وآه .. جرحني النظر ومآ سألته كيف ..؟! ضيعته خجل ..! يآ إنت .. خبرني من انت ..؟! جرحتني وين الدوآ ..؟ وين انت ..؟! |
إلا الهوى - ابعتذر - الشاعر بدر بن عبدالمحسن ابعتذر .. عن كل شئ .. إلا الهوى ..ماللهوى عندى عذر.. ابعتذر ..عن أي شي .. إلا الجراح ..ماللجراح إلاالصبر .. إن ضايقك انى على بابك أكر .. ليلة ألم.. واني على دربك مشيت عمري وأنا قلبي القدم ... ابعتذر ..ابعتذر ...كلي ندم ... عن كل شئ .. إلا الهوى .. ماللهوى عندي عذر ... اتصدقي ...ماخترت أنا أحبك .. ما احد يحب اللي يبي .. سكنتي جروحي غصب .. ياحبي المر..العذب ... ليت الهوى وانتى ...كذب كان اعتذرلك عن هواى .. وماأقول أنا كوني معاي .. ان ضايقك انى على بابك امر.. ليله ألم ... وانى على دربك مشيت عمري وأنا .. قلبي القدم ... ابعتذر ..ابعتذر .. كلي ندم .. عن كل شئ .. إلا الهوى .. ماللهوى عندي عذر .. الله كريم ..حبك ..يكون.. همي القديم .. وجرحي القديم ... والله عليم .. يا أحلي العيون .. ان الفراق .. جزا الفراق .. ابوعدك ..كان الطريق بيبعدك .. بامشي بطريق .. وكان الحجود بيسعدك ... مالي رفيق .. ابجمع اوراق السنين ..وأودعك.. كان الفراق اللي تبين ... الله معك |
صعب السؤال - الشاعر بدر بن عبدالمحسن صعب السؤال ... ليه نفترق صعب السؤال ... وين نلتقي انتى الجنوب .. وانا الشمال .. ومابيننا .. بحر ..ورمال لكن نحب .. والله نحب .. وفوق الخيال ... صعب السؤال ياللي اجمل من كلامي عنك واقرب من سكوتي آه ياطول المسافه بين احساسي وصوتي ماهو غريب ... انى اسألك وانتى انا .. كيف اوصلك لامستحيل .. هذا الرحيل من يقطع الصمت الطويل ويـــدلــنــي قصيدتي .. وين الحروف .. جف القلم ياضايعه .. ببرد الكفوف .. رعشه الم قصيدتي ... الا الندم ...الاالندم بتسافرين .. وانتى معي قصيدتي ..لاتسمعي .. غيري قصيد ياساكنه افـ ورق الحشا .. وحبر الوريد |
|
((الرسايل )) وليله كانت الفرقا و قالت لي .. فـ أمــان الله و ليله ذكرها يبقى على جرحي .. و لا انساه و جت تاخذ رسايلها .. و خصله من جدايلها و تديني جوباتي بقايا عمر بسماتي و قالت لي .. فـ أمــان الله في ليله كنها الليله عرفتك بسمتي و فجري و ليله زي ذي الليله و هبتك في الأمل عمري و يا ليت البسمه ما كانت ولا الاحساس وياليت الدنيا خانتني و كل الناس و لا خنتي هواي انتي و لا قلتي .. فـ أمـان الله لا تردين الرسايل ويش اسوي بالورق و كل معنا للمحبه ذاب فيها و احترق لو تركتيني في ليله بسمتك عند الرحيل دمعة العين الكحيله عذرها الواهي دليل و ليله كانت الفرقا و قالت لي فـ امان الله |
((الفجر البعيد )) نامت عيونك وصحى الليل مظنونك أغاني قصّت جناح الثواني غيبتك وصارت الساعة أماني وآهـ ..آهـ أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد .. نامت عيونك إسهر معي ليلة حاول تحس بلوعتي ليلة عد النجوم وش كثرها.. ياللي بقلبي كثرها نام .. القمر فـ وسادتك نام ليتك تغير عادتك خل القمر ليله.. يسهر معي ليله أنا حروفي في غيابك لا هي حكي ولا هي قصيد أكتب الظلما وأعيد وإنت يالفجر البعيد.. نامت عيونك يا ساحر البسمه .. أساهرك نجمه وابسمعك كلمه .. كلمه و لو كلمه قم نادني .. يالله عسى تحتاجني وإن مر ليلي ما سألت وإن زاد ظلمك ما عدلت آهـ.. آهـ أنا حروفي في غيابك لا هي حكي ولا هي قصيد أكتب الظلما وأعيد وإنت ياالفجر البعيد.. نامت عيونك |
((العمر أحبك )) لليل احبك مابقى في السما نور والى ضواني الليل .. للصبح أحبك واللحظة اللي كلها عند وغرور أشوف قبري بين عينك .. وقلبك في صدري سراجٍٍ حزينٍٍ .. ومكسور رغم المطر والريح .. شلته في دربك والله مابه غير لوعاتي قصور وخوفي عليك الله ربي وربك ما بي جهد ابني على صمتك جسور لا حيرتني أسباب سلمك وحربك العمر أحبك .. مابقى فيني شعور والى جفاني العمر .. وشلون أحبك |
(( السهر والخوف )) نبي .. نطفي قمرنا .. لو يعذبنا السهر .. والخوف .. نبي ننثر قهرنا .. يا حبايبنا .. على مد النظر .. والشوف .. نبي ننزع من أعماق الحشا سكين .. نبي ننزف حنان العاشق المسكين .. ونجرح في سواد العين .. صورنا .. ونبي نطفي قمرنا .. سامحينا يالمحبة .. لو جرحنا وانجرحنا .. س امحينا لو نسينا .. في الهوى ضحكة فرحنا .. وآه يالنصل الحرير .. ياهوى القلب الضرير.. يالجروح اللي مضت .. واللي بتصير .. نبي ننزع من أعماق الحشا سكين .. نبي ننزف حنان العاشق المسكين .. ونجرح في سواد العين .. صورنا .. ونبي نطفي قمرنا .. |
ماشاءالله عليك اجاذبك ابدعت بطرحك والاميربدرغني عن التعريف احاسيس رائعه لقلبك السعاده |
اقتباس:
توهي مرّه وَ أسألي ! |
|
علَى آلغدِير كآنت سمَآ .. ويرمي آلضِمآ وجهي عليه علَى آلغدِير وجهي وَ سمآ , لين آرتمى وجهك عليه علَى آلغدير وجهي وَ وجهك وَ آلسمَآ .. من يسبق ويملي يديه .. يشرب ملـآمِح صآحبه ليت آلسحآب يظهر على آلمدَى آلبآهت .. وتمر ثلـآث طيُور بينَ آلعتم وَ آلنُور ينبت شجر وَ آعشَآب .. و طفلٍ يبيع زهُور يُولد .. وتتحوّل آلـآخشَآب كرسيّ وَ آجلس آنآ ويآكْ .. قبل آلظلـآل هنَآك فِي آخذ آلصورة علَى سلّة آلسيف آلصقيل يتكحّل سيفين ... وينزف قتيل وَ آليُوم عِيد .. يآللي آلجفآ وصلك , ومشغُوله فِي كحلك وشلون آنآ بحآيدك ! مرآيتك سيف .. وذبحنِي آنآ عوآيدِك ! |
اقتباس:
وَ آآآهـ يَ آلعطش , جفّت شفآهي وَ صُوتي آلوآهي آرتعش ! |
يشبهك آلبَدر يَ يَزنْ :ah11: |
الاختيار ودي اختار.. الليله درب .. ما تعرفه .. ودي اجلس في مكان .. ما يذكرني بصدفه .. أو وعد .. ودي أحكي يا حبيبي .. مع احد .. غيرك احد .. لجل النهار .. وحريتي .. اعطيني .. لحظة اختيار .. وحدي وغديت أنت الزحام .. وحدي أبد .. وانت الكلام .. نورك وما غيره .. ظلام .. عذب الحروف .. طاغي الطيوف .. أبعد عن عيوني .. بااشوف .. لجل النهار .. وحريتي .. اعطيني .. لحظة اختيار .. ابي درب .. مايوصلني لدارك .. ابي وعد .. ماحتمل فيه انتظارك .. وابي ليل .. مايجي بعده نهارك .. ودي ادري .. هي حياتي .. اختياري .. أو اختيارك .. ودي انسى .. ليله وعدك .. أنسى وعدك .. ماأجيك .. وش يضرك .. لواخونك .. مره واختارك عليك |
صوتك ينادينى تذكٌر .. صوتك يناديني ... تذكر ... تذكر ... تذكر الحلم الصَغير ... وجدار من طين وحصير ... وقمَرا ورا الليل الضرير ... على الغَدير ... لاهَبٌت النسمَة تكسر ... جيتي من النسيان ... ومن كل الزمان ... اللي مَضَى ... واللي تغٌير ... صوتك يناديني تذكٌر ... ناديتي ... خانتني السنين ... اللي مَضت راحت ناديت ... ماكن السنين ... اللي مضت راحت كنا افترقنا البارحة ... البارحة .... صارت عمر ... ليله ... أَبَدْ عيٌت تمرٌ ... ياجمرة الشوق الخَفي ... نسيت أنا وجرحك وفي ... يتذَكر الحلم الصغير ... ريانَة العُود ... نادي ... نادي الليَالي تعُود .. بشوق الهَوى ... بوعُود ... بوجهي اللي ضيعته زَمَان ... في عُيُونك السٌود ... ياالضحكة العَذبة ... عَنك الصٌبر ... كِذبه ... وفيك العُمر موعود ... اشتقت للحلم الصغير ... واشتقت لجدار وحصير ... وقمَرا ورا الليل الضرير ... على الغدير ... ان هبت النسمَة تكسر |
صوتك ينادينى تذكٌر .. صوتك يناديني ... تذكر ... تذكر ... تذكر الحلم الصَغير ... وجدار من طين وحصير ... وقمَرا ورا الليل الضرير ... على الغَدير ... لاهَبٌت النسمَة تكسر ... جيتي من النسيان ... ومن كل الزمان ... اللي مَضَى ... واللي تغٌير ... صوتك يناديني تذكٌر ... ناديتي ... خانتني السنين ... اللي مَضت راحت ناديت ... ماكن السنين ... اللي مضت راحت كنا افترقنا البارحة ... البارحة .... صارت عمر ... ليله ... أَبَدْ عيٌت تمرٌ ... ياجمرة الشوق الخَفي ... نسيت أنا وجرحك وفي ... يتذَكر الحلم الصغير ... ريانَة العُود ... نادي ... نادي الليَالي تعُود .. بشوق الهَوى ... بوعُود ... بوجهي اللي ضيعته زَمَان ... في عُيُونك السٌود ... ياالضحكة العَذبة ... عَنك الصٌبر ... كِذبه ... وفيك العُمر موعود ... اشتقت للحلم الصغير ... واشتقت لجدار وحصير ... وقمَرا ورا الليل الضرير ... على الغدير ... ان هبت النسمَة تكسر |
أبي النسيان تذكرتك .. وأبي النسيان ألايا خل ساعدني أنا مالي ورى الذكرى .. إلى مات الأمل خيره أنا ودي على الفرقا حبيبي لو تعاهدني وإلى شفتك .. تصد ولاتجيب لما مضى سيره تخيّر غير هذي الأرض .. مكانٍ به تواعدني تخيّر لك مكانٍ صعب .. أعرف فيوم تقديره عسى الجرح الذي يدينك أشوفه عنك يبعدني أنا اللي أكرهك .. وأحبك .. شعورٍ صعب تفسيره حسيبك .. يالهوى الظالم .. حسيبك لاتعاندني بيلقى صاحبي غيري وأباالقى في العرب غيره |
عيون الليل عيونك لاتوريها .. لغيري لاتوريها .. عيونك لي .. ولو أقدر .. عيونك عنك أداريها .. أنا لو بعت نظراتك.. ابيع العمر واشريها عيون الليل .. انا بالحيل أحب أسهر لياليها .. وأحب أبكي .. وهي تبكي .. وأفرح للفرح فيها .. حبيبي لو ضمنت اليوم .. أعيش الشك في باكر .. يجي مستقبل الايام .. يغير في هوى الحاضر .. يغيرك الزمن بعدي .. تعلم طبعه الغادر .. أخاف عيون مايدرون .. وش اللي يجرح الخاطر .. وعيونك آه .. لو يدرون .. حياتي فيها للآخر .. عيونك لاتوريها لغيري ..لاتوريها |
الشفق أول الـيـوم عـانـقـت الـشـفـق وآخـر الـيـوم عانقـنـي شـفـق وأنـا بـيـن التـلاقـي والـفـراق أدفـن العمـر وأحفـر لـي نفـق يـا حبيبـي وأنـا مثلـك غريـب عن حمى النـوم غربنـي أرق اقـطـع اللـيـل لـديـار الـنـهـار واغسل الدمع من شط العـرق ولا جمعني بك الموعد لمحت ألـف نجـمٍ توهـج .. واحتـرق أجمل العمـر طفـلٍ مـن غـلاه قمت أضمه لصدري واختنـق وباقي العمر لو عمره يطـول ما يجي سطر في ذهن الورق مـن بقـول اللقـا غيـر الــوداع بينهـم فـرق واجـد مـا صـدق أول الـيـوم عـانـقـت الـشـفـق وآخـر الـيـوم عانقـنـي شـفـق |
الشفق أول الـيـوم عـانـقـت الـشـفـق وآخـر الـيـوم عانقـنـي شـفـق وأنـا بـيـن التـلاقـي والـفـراق أدفـن العمـر وأحفـر لـي نفـق يـا حبيبـي وأنـا مثلـك غريـب عن حمى النـوم غربنـي أرق اقـطـع اللـيـل لـديـار الـنـهـار واغسل الدمع من شط العـرق ولا جمعني بك الموعد لمحت ألـف نجـمٍ توهـج .. واحتـرق أجمل العمـر طفـلٍ مـن غـلاه قمت أضمه لصدري واختنـق وباقي العمر لو عمره يطـول ما يجي سطر في ذهن الورق مـن بقـول اللقـا غيـر الــوداع بينهـم فـرق واجـد مـا صـدق أول الـيـوم عـانـقـت الـشـفـق وآخـر الـيـوم عانقـنـي شـفـق |
انفاس يازين مافي العيون نعـاس والقلـب مشغـول بهمـومـه اما معي نطـرد الهوجـاس والا لــك الـنـوم وحلـومـه هذي نجوم السما .. جلاس وعيبٍ على العاشق القومه لاجل الهوى عذبونا الناس ومـن بيـح السـد مـا الومـه انفاسـنـا مـاغــدت انـفــاس مــن حـرهـا دوم مكتـومـه |
الظما عشق كل ما حث الخطى .. ينبت الطلح في عيوني تبني الرمال رمال كل ما حث الخطى .. يولد من رحم السراب جبال أثر الظما عشق وردت يا بير السما الشمس دلوي والشعاع حبال أثر الظما عشق يا ربعي الخالي وأثر الأماني جمال ترعى عشب بالي والشمس ترس نحاس وأثر الشعاع نصال وراعي الهوى خيال يفكها من الياس واحث الخطى .. ينبت الطلح في عيوني تبني الرمال رمال يكبر الطلح في عيوني ويغيب .. يسيل من تحت القدم رغم الجفاف .. شعيب اقطع تجاعيد السهال بسيف الظلال .. ويشرق سواد بيوتكم في ( مرو ) التلال وغيم الخريف البرق له وميض .. ورفيف يشرب الطلح في عيوني وتسقي الرمال رمال |
السكوت الكلام ياحروفنا الملح.. في شفاهنا الحنضل ... كان السكوت أفضل .. ولا الكلام ؟ قلت اللي في قلبي .. وخرج الحكي..من الحكي وما عاد.. اخيامنا طويت ..كافي ندق اوتاد الكلمه .. ماهي انتصار ولا انكسار .. كانت حقيقه .. يوم انقطع حبل الحوار يا حروفنا الحنضل.. في شفاهنا الملح زعلوا حبايبنا..كان السكوت أفضل |
اقتباس:
آلله عليه آلبَدر |
يَ رآمِي آلمَآء بـِ آلحصَآ , لـآجْل آلدوَآير تِكبَر , لـآ تُوجع آلمآء آكثَر .. هذِي حدُود آلمَآءْ ! يجِيبك آلهآجُوس وَ يرُوح بِك , يَ شَين وش نفع آلحكِي لـآ روح بكْ ! تخطّ فـَ آلرمل آلبَحر , وَ ترز وعودِك سآريه , وَ تبقَى آلحقِيقَه عآرِيَه , مَآعآد فِي آلسَفر آلّـآ دوآير , بين آلكوَآسر وَ آلبَدن , مآكآن لِي صدر , وَ مَآكآن لِي كف .. لحمِي تنتّف ! نَآظِر علَى رآسي تحُوم , عقبآن آلهمُومْ , وَ ترسم دوآير , وقل لي شآللي صآير , وَ كآنك حبِيبي , فسّر آلكُون , وَ لـآ حبيبي .. آترِك آلكُون وقل لِي , مِن خذآ منّي محلّي ! لين ضآقت فسّر آشتآقت .. تبيني , حدد آقدآمي .. جبيني , وَ آخر آلجدب آلعوآير وَ آتْرك آلمآء .. لـآشهب آلمَآء وَ آلدُوآيِر ! |
متصفح باذخ لقصائد لانمل قراءتها أو سماعها ... شكر حد الغيم ودي ,’، |
ضي عيني .. يا ضي عيني انت .. زدني هوى لا هنت .. وزدني وله لا هنت .. يا شيب عيني من غيابك.. اسأل علي .. يا ليتني سورك وبابك.. وتدخل علي وافرح بعد.. لو كنت.. ضي عيني يا ضي عيني انت.. البارحه.. جو من سفرغياب وما خانهم ليل و قمر و احباب غابوا سنه.. وما كنهم غابوا حبيبي وانا لي انا.. ينساني وانا جنبه حبيبي .. يا شيب عيني من غيابك .. اسال علي .. يا ليتني سورك وبابك .. وتدخل علي .. وافرح بعد.. او كنت ضي عيني يا ضي عيني انت .. عاشق ولو قلبك صخر واهواك ومحتاج مع عمري عمر وانساك لو هو بيدي.. خذتك ولو تزعل حبيبي.. غصب على الدنيا وعلى الناس.. وحبيبي .. يا شيب عيني من غيابك.. اسال علي .. يا ليتني سورك وبابك .. وتدخل علي .. وافرح بعد .. لو كنت ضي عيني .. يا ضي عيني انت .. |
طريقنا واحد طريقنا واحد .. امشيه .. معي .. أحباب .. كانك تبين .. أصحاب .. اللي تبين .. يكفي متى .. ما توصلين تتذكرين .. إنك حزينه .. وانا حزين كافي كلام .. مابي .. وعد .. أو التزام .. طريقنا يمحي الظلام نمشي مسافات الرجوع ودرب الهوى كله خضوع ارمي الجرايد والهموم لا تجبري عيونك تنوم لا واسمعي همس النجوم وهم الوداع .. وكثر الحنين وكافي كلام .. مابي وعد أو .. التزام |
طريقنا واحد طريقنا واحد .. امشيه .. معي .. أحباب .. كانك تبين .. أصحاب .. اللي تبين .. يكفي متى .. ما توصلين تتذكرين .. إنك حزينه .. وانا حزين كافي كلام .. مابي .. وعد .. أو التزام .. طريقنا يمحي الظلام نمشي مسافات الرجوع ودرب الهوى كله خضوع ارمي الجرايد والهموم لا تجبري عيونك تنوم لا واسمعي همس النجوم وهم الوداع .. وكثر الحنين وكافي كلام .. مابي وعد أو .. التزام |
الساعة الآن 05:41 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا