جمّع اللي ودك تقوله وبعثرني عتب الملامه شي عادي دامها منك وجاي
أنت تامر وأنا ألبي ما تبي بليّا سبب بس كان لجيّتي خاطر تلبي لي رجاي
رجوتي لا تلحق اعيونك مشاريه الهدب لا تضايقه بدموعك والتفاتتك وخطاي
كل شي الا دموعك واعرف انك من شطب صفحة الطيش بحياتي وابتدا صفحة شقاي
سق فديتك كل ما تملك من جنون وغضب وابشر بصدرٍ يضمك حيل دام انك هواي
ولا رويت عتاب ناظرني وقل طاح الحطب واسأل شرايك وابنسج لك من الأعماق راي


أنور المشيري

دثرينـي يـا منيـره زملينـي يــا منـيـره
يا منيره في فـوادي فـرخ عبـدٍ طـق زيـره

من هنوفٍ صوبها راع الهـوى يشعـب بعيـره*
سيـدة سـادات قـومٌ سـادةٌ أبـنـاء ســاده

من بهاها يا منيره ويش أوصف ويـش أخلـي
في جبين الطهـر منهـا بـدر سبتيـن متجلـي

هالـةٍ دون المصلـى أخلفـت وجـه المصلـي
في محاجرها عقيد القـوم يومـي بـه جـواده

الحجـاج هـلال مـا هـو فـي أهلتنـا مقيّـد
من يشوفه قبـل لا يبـدي هـلال العيـد عيّـد


حامد زيد