لازم تستقوى بس بدون اذيه تفرجيها انك القايم عليها
وانها مب بمقدورها تصرخ عليك انت الي تعطيها المجال
تنكد عليك لانى جد مستغربه من وين جابت كل
هالقوة العين تصرخ عليك مثلا انا امزح مع اخوى
وهو بدوره يمزح لكن ماقدر اصرخ عليه
ليش !؟ لانه اعرف انه بيكون له ردة فعل
مب يتم ساكت

ودى

الحياه الزوجيه مشاركه ^^

ممكن انت ماتسولف معاها ماتعطيها من وقتك .. اضحك معاها احتويها .. ياخي انت حارشها هههههههههههههه.

الشيء اللي تحبه انت قولها انا أحب الشيء هذا والشيء اللي تكرهه قول انا اكره الشيء هذا أغضب عند اللزوم ^^

وانت اكيد راح تعرف الأشياء اللي تحبها هي واللي تكرهها لابد من الأتفاق والألفه ..

وربي يوفقك ..

	المشاركة الأصلية كتبت بواسطة مشكلتي

	وش الحل مع الحرمة النكدية

	المشاركة الأصلية كتبت بواسطة مشكلتي

	بصراحة انا طفشت إذا جيت من برا تقول لي وين كنت ومع مين وليش تأخرت __لو اكون جالس لوحدي مستانس لازم تجى وتحارش معي وتسوي مشكلة _اليوم كنت جوعآن وجبت لي اكل من برا وقاعد اكل والمزاج تمام وتجى عندي ليش جبت هذا الاكل هذى الاكل مو كويس والاكل كويس وحلو بس تبي تحارش معي لازم تخرب علي وتزعلني _صوتها عالي مرة مرة مرة مرة كم مرة اقول لها حرام يطلع صوتك لرجال ومافي فايدة _اليوم جالس في الغرفة ومزاجي تمام والله تجى وتحارش معي على اتفهه الاسباب _اول رحت امشيها وماشين بسيارة ومزاجي كان تمام وتجى تحارش معي تقولي ليش تسرع وانا والله ماشي60بس تدور اي شى عشان تحارش معي وش الحل _قبل مااروح الدوام لو اسئل وين شماغي تقوم وتفتح لي موال كبير انت مهمل انت وانت وانت وانت المفروض ترد ماادري ولاتسوي مشاكل انا احب اسوي في دقني مرة سكسوكة شكل وكل مرة شكل واحيانا دقن وعوارض تجى تقولي انت مالك نهاية كل يوم تحلق دقنك اثبت على شكل ياخي بس تحارش معي المشكلة مالها دخل انا احلق دقني اسوي إلي ابي لو يكون مزاجي تمام وابي اتروش ابي اخذ صابونة تفتح لي هنا موال كل يوم تأخذ صابونة وصراخ وزعاق على صابونه احيانا افرش اسناني في الحمام وتطيح الفرشة في الحمام فمستحيل احطها في فمي فأخذ فرشه جديدة وتسوي ام المشكلة لما اخذ فرشة جديدة انت ماتحافظ على اشيائك وتسوي مشكلة حقت مشاكل تعبت والله نقاط بس عشان تعرفون كل شى عشان تعطوني حلول اهلها يقلون إنها حقت مشاكل اهلها يزروها مرة كل شهرين محد يكلمها كثير لأنها حقت مشاكل لو اعزم إخوانها تتضارب مع إخوانها وانا وجهي يروح بتراب //حرمة قوية مرة //صوتها عالي \\مافيها انوثه \\نكدية //حقت مشاكل \\بس تحارش معي هل اطلقها واعطوني حلول كيف التعامل معها

أولاً : أثابك الله على صبرك وتحملك لشريكة حياتك .. واللي يبدو أنكما في بداية الحياة الزوجية ولا يوجد في البيت اطفال كما استقرأيت من موضوعك . وهذه المناوشات طبييعة جداً بين الطرفين . ولكن من غير الطبيعي أن يستقوي طرف على آخر وليس العلاقة مبنية على قوة أو ضعف بل هي علاقة تكاملية فالكل يكمل ما ينقص لدى الآخر وهكذا .

ثانياً : من خلال موضوعك كل ما ذكرته من احداث لم أر فيه مشكلة بل يتبين أنها حريصة وقد تكون من النوع المؤنب أحياناً وهذا ناتج عن شدة حرصها عليك .

ثالثاً : انت حساس جداً وهذه الحساسية الزائدة ستفقدك الثقة في نفسك حتى تظن أن كل كلمة عابرة نحوذاتك لغرض النيل من هذه الذات بينما أتوقع أن بعض ما تقوله زوجتك من باب المزاح أو محاولة أن تكون خفيفة الظل معك أو تحاول ان تلفت نظرك إليها ..

فاقترح في مثل هذه الحالة ( عند تعليقها على أشكال ذقنك ) أقترح ان تشكرها لأنها مهتمة بك وملاحظ لك في كل حالتك وتبين أن هذا الأمر سيحفزك لإرضائها والاهتمام بها ( بس ماهو على حساب ذقنك ) ..
رابعاً : بالنسبة لأهلها فغريب منهم هذا الحكم على ابنتهم ولم أتوقع يوماً أن أحد يحكم على ابنته بمثل هذا السلوك . صراحة ما تقبلت الكلمة وأعذرني إن قلت لك ما استوعبتها .

رابعاً : أنت رجل .. تذكر هذه العبارة واستيقن بها ولا تضع تصوراً للأنثى إلا انها عاطفية تستطيع أن تستميلها بعقلك وتعاملك ولطفك وسعة صدرك إلى ما تريد وحذار أن تعمد إلى جانب القوة أو الطلاق .. لأن المشكلة ما تستاهل كل ما في الأمر أنك اكتفيت بالتذمر والشكوى من زوجتك دون أن تخطو خطوة واحدة نحو الحل .
ولا تنس أسلوب القرآن في معاملة الزوجة والنهج النبوي في ذلك ..
فهل حاولت هجرها وتطنيشها فترة من الزمن , جرّب أن تغيب عنها مدة في سفر أو رحلة معينة مع أصدقائك .. لأنني اتوقع أنك ملازم البيت على طول وهذا ينتج عنه تداعيات للمشكلة خاصة إذا لم يوجد في البيت اطفال

خامساً: بكرة نكبر ونتعلم يمتلئ البيت باطفال وتنشغل عنك مع صغارها
سادساً / مهم للطرفين النظرة الحقيقية للحياة من قبل الطرفين . يجب أن تعرف وتبين لها أن الحياة لازم يكون فيها مصاعب ومشقة وعقبات وليست كما نقرأ في الروابات والمسلسلات الحياة الهانئة ليس لها طريق إلا على جسر من التعب .. مأجور مأجور أنا أخوك

سابعاً : إذا لم تنفع كل الطرق فحاول أن تشوف حل مع أهلها ولا تبادر بالطلاق إلا بعد مراحل من المحاولات.

وفقك الله أخي وأصلح حالك وحال زوجتك وحال الجميع ..

انا شايفه معظم الي تسويه كثير من الزوجات يسونه
هذا طبع الانثى تحب تعرف كل ششي وتعلق على كل شي
عادي خذ الموضوع ببساطه وسوي نفسك ولا كأنك سمعت شي

وهددها بالزواج من وحده تانيه وقلها بجيبها خرساء حتى لا توجع راسي بكثر الكلام والانتقاد