مجلس الشعراء والمحاورة
 

السلام عليكم

اخواني وخواتي أعضاء المنتدى منتدى مسك الغلا
هذا الموضوع او با الاصح مجلس الشعراء والمحاورة
موضوع لبداعات شعر المحاوره فقط
ويمنع فيه القصايد والخواطر وجميع الشعر

معدى المحاوره
والرد من الأعضاء
مفتوح

التمنا ان يرتقي لعجابكم
والتمنا من المشرف او المراقب القسم يثبت الموضوع

وهذا الموضوع يصب في صالح المنتدى
والهدف منه الارتقى با المنتدى يلا سماء الابداع

اليله ابغا شاعرن يلعب معي.. نبا نسريها ع متن السحاب

نبا نسريها ونرفعها سنود .. ومسيلمه كذاب ومحمد نبي

اهـــلا هلا باللـــي بدا .. وارسل لنا بعرض الكتاب
يطلب يبي راس القعود .. ابشر وجـــــاك التغلبي

يا التغلبي عجل علينا وسرعي .. مابيننا ذليل ياكود الحساب

الجم مايشرب منه رجلن شرود .. ومسيلمه كذاب ومحمد نبي

يا نجم طاروقك هذا ما هو معي .. ولا لعبته من اول بين الشباب
ولا قــريــتـــه بين فـقــرات البنود .. ومسليمة كــذاب ومحمد نبي


المعذرة يا بو سارة ان لم استطع مجاراتك على هذ البحر وفي هذا الطاروق ـ فأنا جديد في قول الشعر أصلاً ـ ولكل بيئة ثقافتها ولكل قوم طاروقهم ، ولكن سوف احاول ، فإن نجحت والا نسلم لك الراية ونعطي القوس لباريها .

لا انت شاعر وبتفهم زين ان شالله

وهذا يقال له ع الوزن الثقيل

وبعلمك عليه وبتبدع فيه

بس خلني لين افضي لك

وبنغني على بحر غيره

برسلك خاص عن وزنه ووقفاته

ربي خلق النجوم لنهتدي .. سُبـلاً لنـا وفيـها الحسـاب
الجود يا نجم من الموجود .. أنا عدت شايب وانته صبي


قد تجدون في ابياتي بعض القصور فالمعذره أنا لا أجيد هذا البحر من الشعر ,,,
كان بودي أستطيع المجاره ولكن اعتذر ,,,

نبي نتعلم انا واياك يا بو ضاوي ، دام الاستاذ ـ نجم نجم مستعد يعلمنا ـ ولا تستغرب يوم من الايام ـ تجد التلميذ قد تفوّق على استاذه ,
شكرا لك يا ابو سارة على المبادرة لموضوع التعليم .

تعلّم الزمخشري مــــــــــــا تحلّم
وعمره بالاربعين بـحــســـــــــــاب
العمر ما لــــــــــه دخل يا المتعلم
والعلم يصلح للي من حبيبه تاب

يسعدني مروركم كما يسعدني انه نال اعجابكم
وهذا السعي كله لخدمتكم وخدمت منتدانا الغالي منتدى مسك الغلا
فهو على اسمه غالي في قلوبنا وهو بيتنا الثاني
وسوف يحتفي الموضوع با التفاعل من جانب الشعراء
فانتم الشعرا نجم ضاوي والتغلبي
وانا سوف استفيد منكم والتعلم من ابداعاتكم
والجميع يستفيدون من المنتدى عن طريقكم
ويصبح منتدانا مدرسة علم وادب والجميع يستفيد منه ومنكم
كا معلمين في مجال الشعر
مشكورين
والشكر موصول لمديرنا واميرنا وكافافة الاداره خاصه وللعضاء عامه

وعليكم السلام

اهلا وسهلا


بميدان المحاوره

ميدان ممتع وشيق وجميل يتبادلون فيه الشعراء اجمل المعاني ويتجهون

الى معنى ويرمزون له دون كشف القناع وعلى المتلقي ان يحاول

ويستشعر ما يدور بين الشاعرين وهنا منتهى الابداع والمتعهد

يقوم الشاعر الاول بتركيب بيتين في بداية المحاوره وتسمى الفتل

وعلى الشاعر الاخر بنقضه

الف شكر لك اخوي نجم نجم على هذا المسرح الرائع

ولعلي اقول لابد من انتهاء المحاوره بين شاعرين اولا وعلى الاعضاء المشاهدين التعليق والمتابعه فقط حتى تنتهي ويبدا شاعرين اخرين وهكذا

شرفت اخوي
مشكووور

يمرحبا مرحبا وعداد وبل السحاب .... يلي على الملعبه لاجيت شرفتها

يتغلبي عندنا سوال هات الجواااب,.... تبا تجيك الرساــــله بعد زرفتها

هــلا هــلا بيك يـا نــجــم تعلّى السحاب ** كــم من سحابة مرت عليك وبعثرتها
ابشر جوابي يجيك وابشر بفصل الخطاب ** يا الطيب اللي فعولك بالسماء زرتها

خلووووها

انته التغيبت مدري وين صار الغياب ،،، عد الحقيقه لنا ون كان سولفتها

لك مشكله مشكله بين الخطا والصواب .وليا بغينا الحقيقه ليه حـرفتها

والله ما جاملت ولاني بالكذاب ** بس الحقيقة عندها وفي بيتها
ما اقدر اقرر دون ربات الحـجاب ** ان قررت والا رحــــــــت وخليتها

انته رميت الغزال الي بروس الهضاب .. بندقك بعد الرميه ليه نضفتها

لاتلوم نفسك ليا صار لك بعض العتاب.. اتعبت نفسك ورا المقفي وكلفتها

المعذرة عن التاخير ، أنا عندي مشكلة مع النت . :

دنياك هذي يا بو ســــارة بالاسباب ** والبندق اللي ما رمت رميتـها
وسبحان من سجل اقداري بالكتاب ** ولولا المحبة غالية ما اطريتها

يا الفارس الي مع دروب الشقا ماتهاب .. ونصت لك صيد تن بلحاف لحفتها

انا ادري انك لها عطشان تبغا الشراب .. ميراالصعيبه صعيبه لــــو عسفتها

يعسفها لي ربنا ربي خـلاق السحاب ** ويجيبها خــــــــــــــالقي ليه والا ضفتها
لولا الحياء يا بو سارة وايضا دونه ذئاب ** مبطي وصلت الهنوف والشفّة شفّيتها

لا والله الا غديت نجمين ومعهم ضباب ** ونويت اوقف القاف والنفس كفّيتها
نجوم ومنهم رهاب نجوم وفيهم عذاب ** تراني مقدر لكم والرجل مــديــتـها

القصة وما فيها انا اخشى الشباب ** ونفسي لطيفها وادخلت في بيتها
ما احب انا ارقى للوعر ولا الهضـاب ** دايـــــــم احب انا السهل الياجيتها

ما دام ابو سارة ارخـصــنـا يا ليت ** يا ليت يا بو ضـاوي ليتها يا ليتها
انا ابا ابدا القاف وابــني لك البيت ** والنومة جتني وبكرة نكمل بيتها

اخطيت يا مشـــكاي في مفهومك وما لك دليل
واللـــــــــــــــي تقوله ما هو عندنا ولا هو الغاية
حنا رفعنا راية الكرم يوم انه جــــــــــــانا سهيل
وعطيته الفرصة يلعب مع صاحبه ما هي ساية

احساس استلم

يا سلام ..........الله يعجب كل منهم شايفينه
من هواجيسن سواة الخيل في صدري مغيره

لا بدعت القاف .........نبغى رده الله لا يهينه
كان عنده في المعاني والشعر بصر وبصيره

:) حيا الله المتمرد. استلم لا هنت :


مرحبا ترحيب مايقصر عن اللي سامعينه
في ميادين الشعر يمنى الرجل ماهي قصيرة
لا بدعت القاف جاك الرد من وقته وحينه
وانت ماتجهل مواقيفي ولك خبرة كبيرة

هلا والله يالتغلبي ... واستلم لا هنت /
هلا بك وانت ما تملك على كل العرب توكيل
وانا عارف طريقي وانت تعرض لي في ممشايه
تراك تعجّل الخطوة وتمشي في دروب السيل
وانا ما قلت غير أهلاً. وجيت تسوقك الحاية

المعذرة يالحبيب احساس / أنا ما أقصد المعارضة ـ وانما افهامك انا خروجي حصل لدخول ـ الاخ نجم ضاوي ـ فلا يمكن التشويش من طرف ثالث ـ فواصل مع رفيقك الله يحفظك ـ لحين تأتي الفرصة معك فقط ان شاء الله .

البقا يالي ترحب من ...............ردوده عارفينه
ولا حدن يخطي بخطوه قبل يعرف وش مصيره

انت وضعك عارفينه .........من زمان ودارسينه
البلا في الي يبا يرمي ........بلا وزن الشعيره

كل رجالٍ ترى منشود عن مدة يمينه
ما علينا من سمير ان كان ما يعرف سميرة
من تعوّد يرمي العربان من دارٍ حصينة
لازم الدنيا تجيبه في المواقيف الخطيرة

شيعة ايران الملاعين اليمن مستهدفينه
والرحا لن قالها الله من عليهم مستديره

ويش يحد الي لزمله بندقه تجرح يدينه
ينتقز في معكره فيها جماهير وذخيره

وش لقي كسرى من الأبطال في ماضي سنينه
غير ميراد المنايا والسيوف اللي شطيرة
البلاء في اللي ضحك مغبون ويخفّي ونينه
لو لقي له درب شرّف بالكبيرة والصغيرة

لو يطبون البحر يا احساس قالوا سابحينه
والحقيقه يغرقون ان كانوا طبوا في بحيره

العقول الي تميز.... والعقول الي ذهينه
يعرفون العود الازرق كل ما شمت عبيره

:/:
لا يهمك من يطب البَحْر ما عنده سفينة
من خباله يندفع للموج ويظنه جزيرة
/
ما يميّز من تعوّد يعمد أسواق المدينة
وانت لا تاخذ بقوله واتركه والامر خيرة