ودي اسولف بس بنفس الوقت ما ودي ،،
بسألكم القلب يمين و الا يسار خخخخ ،، اعرف انه يسار بس ليه يعورني من اليمين ؟!
و احس تنفسي يعورني <- الو اسعاف تعالو اخذوها خخخخ


مافيني الا العافيه

بس اسمعو معي ،، " معبره "

https://www.************/watch?v=Hdlay2m1734

صباحكم رضا بما كتب الله لنا ،،
صباحكم امل ان القادم اجمل ،،


امس كان فيه جلسة مصارحة بيني و بين " غدو "
بنتي مرررره كتومه ،، بشكل ما تتخيلونه ، و ممكن انها تكذب و لا تصرح عن اللي بنفسها
و هالشيء يقلقني ، دايم احاول اقولها وش يصير معي في الدوام
عشان هي تحكيني عن اللي يصير لها ف المدرسه ، تحكيني اي شيء بنفسها ،،

بس امس قالت ماما بقولك شي بس لا تزعلين ،،
المهم تجلس تقول اللي ف نفسها و ف عينها دمعة ،
تكلمنا و ضحنا لبعض بعض الامور اللي ما تنقال هنا
بس اللي حزني و خفت اموت و اخليها ،، كل ما مدحتها و بينت لها غلاها عندي
تبكي و تقول يا ماما خلاص لا تقولين كذا
اعرف ان الله رحوم فيها اكثر مني و من اي شخص ،
بس الفراق صعب فما بالك بالموت ،
الفراق ممكن تشوف الشخص بعد فتره حتى لو كانت طويله ممكن تعرف اخباره
لكن الموت ، ما تشوفه خلاص
مدري شفيني صرت اطري الموت كثير بيني و بين نفسي
اقولكم شي يضحك ،، امس قبل لا انام تشهدت
كنت مره مجهده و تعبانه ، صار اي مجهود يتعبني
و لما جيت انام حسيت بتعب اليوم كله ،،
ترا انا ما احب اقول لأحد اني تعبانه ، دايم قدامهم انا القويه اللي ما يهدني شيء خخخ
بس اعرف ان اهلي عارفين اني دجه خخ
دايم الشخص يحب يبين قوته و يخفي ضعفه شيء طبيعي
و هنا احب اتكلم ،، لاني اعرف بيجي يوم ينحذف كل شيء
و يمكن عشان ما احد يعرفني معرفه شخصيه ماخده راحتي

شطحت صح !!
كنت اتكلم ف بنتي و فضفضتها لي خخ و فجأه صرت اخبص

المهم ما علينا ،، الحياة حلوه و لازم نعيشها بالطول و بالعرض
لكن بشيء معقول و شيء يرضي الله

تذكرت سالفه خخخخخخ
المهم بعدين احكيكم لو جات فرصه


<- احسها جالسه بين احفادها و تسولف عليهم خخخ

صباحكم راحة بعيد عن القلق اللي انا فيه ،،
بكره عند " غدو " اختبار موهبه ،، و الله ي اني شايله هم اكثر منها
ادعو لها
مدة الاختبار ٣ ساعات و نص ،، و اقول ياربي كيف بتجلس بمكانها ثلاث ساعات خخخ
غير انه طريقة الاختبار جديدة عليها ،، و كل ما ندربها عليه تقول اعرف اعرف ،، <- كل شي تعرفه خخ
المدرسه دربتهم بس ادربها للتأكيد
يقولون انه نفس طريقه اختبار القياس ،، و انا ما عمري اختبرت قياس ،،
يارب سهلها ،،
متحمسه اشوف النتيجه من اليوم <- طيب ما اختبرت خخ

نتيجة الاختبار تحدد ايش تاخذ و وين يحطونها ،،
من النتايج انهم يسرعون لها مرحله ،، يعني تدرس رابع و على طول تنتقل سادس ،، و هي الحين ثالث
و هذا اللي ودي فيه ،، لان مشاءالله اطفال هالزمن يستوعبون بسرعه
و يحسون اللي يدرسون الحين تافه بالنسبه لعقليتهم ،،
و من ناحيه ثانيه تتخرج و هي صغيره و تنفتح لها مجالات اكبر ف الحياة
و الجزء الاهم اني انا ارتاح خخخخ

الله يعدي بكره على خير <- قلبي يدق بقوه خخخ

ودي انام و مافيني نوم ، و ودي اسوي شيء و مدري وشو ،،
كل الاشياء اللي تقلقني تجمعت علي ، كل الاشياء اللي اخاف منها لازم اواجهها ،،
اكره شعور القلق و الخوف ،، كل صبح رايقه الا هالصباح ،، اعوذ بالله من الشيطان

يوم عن يوم اتعجب من قدرة الله ف انفسنا و حياتنا ، كيف يسيرها و احنا نشوف
كيف دعواتنا لأنفسنا في ساعة فضيله ، لها اثر كبير على حياتنا ،

الحمدلله على كل شيء

الحمدلله دائماً و ابداً ،،
اليوم اختبرت " غدو " ،، حبيبتي خضها بطنها ع الصبح ،،
بس الحمدلله تقول الاختبار سهل ،
و متحمسه لنتيجة الاختبار