‏تجاهل الجاهل على شان ترتاح
وأسمع من العارف لا منّه تكلّم
.
لاتندفع تنطح لك صياح بصياح
أصمت وحاول تستفيد وتعلم

صبحكم الله بالخير



مما وصلني في الواتس اب صراحة مدري ابكي ع خيبة شبابنا والا اضحك ع .....غبائهم اتركم مع القصة يرويها صاحبها



العيون الخداعه (-0 قصة لا تفوتكم


بالمختصر المفيد انا واحد عندي وقت فراغ ووزني زايد قلت استغل وقتي في الرياضه وعندنا في الحي حديقه وممشى وكنت بعد صلاة المغرب امتر الممشى رايح جاي كود وزني يخف والاحظ وحده كل بعد صلاة المغرب تنزل عزبتها وتبيع
تملكني الفضول ورحت لها
لقيتها تبيع قهوه وشاهي ولقيمات وجريش وكشري ومطازيز واكلات لذيذه
وانا اعجبتني عيونها من ورا البرقع، ومن بعد ماعرفتها نسيت الرياضه ،
اجي عندها بعد المغرب وآخذ لقيمات وقهوه وأروح بعيد آكل واتقهوا واشوف الزين يبيع ،
وبعد العشا آخذ كشري ومطازيز وأروح لبيتي وقلبي معلق في الحديقه💔
وعلى ذالحال واخطط لمستقبلي معها ،العشق بلوه ،
ولاقدرت اقول لها بتزوجك ،
مدري وش اسوي .
وهي ملاحظه هالشي محد يشتري منها كل يوم الا انا
يازين اكلها زيناه عجيب👌😋

مدري اكلها زين ولا من زينها اكلها يزين في فمي ...
المهم لخبطه مابعدها لخبطه ،
وفي يوم جمعه تحلا الجمعه، رحت لها من بدري ماعاد يقعد راسي الا فنجالها ومشغل شيلة صبلي يانور عيني من الدله
ورافع الصوت ،الحب يسوي اكثر من كذا عطتني امل في الحياه

استغربت ان عندها ناس ثلاثه باكستانيين وباكستانيات واطفال 😐و الحب يسولف معهم،
الغيره عليها خلتني بدون شعور اجيهم واسألهم وش تسوون هنا ؟
بنت بلادي الحب !
طلع زوجها واخوها وصديقه !!
اما سعوديه تتزوج باكستاني !
قالو لا ، هذي باكستانيه .
قلت ليه تلبس مثلنا ؟
ضحكو قالوا كثير نفرات يجي يشتري كل يوم عشان لبس سعودي 😆
افا طلعو عشاقها كثار 🐏 وانا واحد منهم وانا ماعمري سمعتها تتكلم كثير كل الي اسمعه جريش قهوه متازيز على بالي تدلع المطازيز
والبلا زاد وزني 😔


مات حبك والبقيه في حياتك .. في حنايا خافقي لاقى مصيبه ..

خذ مع الجثمان باقي لقيماااتك .. تجربة حبي معاك كانت مريره..

💔🏃🏃😂😂

‏وإن طال الدعاء اللهم أمي ثم أمي ❤

‏شكراً لكل صديقة عرفت كل عيوبي ومازالت بجانبي وتحبني ..♥

السَلآْم عَلْيُكّمٌ وٍرٍحَمُةّ الله وٍبُرٍكآتُهْ

اسعد الله جميع اوقاتكم بالمسرات

كيفكم اتمنى ان تكونو بخير

امممممم حنيت واشتقت لنكي ( مسك الغلا )

اذا سمحت القوانين برجعه لكن بدون تشكيل