-

لو ما نحسب دوام باجر يصير باقي لي 4 ايام دوام
ولو ما نحسب يوم الجمعه بما ان نص يوم يصير باقيلي 3
وتبدا اجازه العيد .. احاول اطلع الطاقه الايجابيه قد ما اقدر
يلا نايتي

-

اليوم يفوز بأسوء يوم بحياتي
انا تعبانه وكنت ناويه ما ادوام وقلت في نفسي
يلا ماعليه مابقى شي وتبدا اجازت العيد
المهم قمت من النوم ورحت الدوام وانا مافيني حيييل
وانا في الدرب فجاه الدريول وقف السياره ع جنب وقال ماتشتغل
كيييف! وليشش مادري اتصلت ع اخوي يمرني وطبعا السياره طفت نهائيا
طبعا شو صار المكيف سكر وصيف بوظبي ورطوبتها واو مافي احلى منها + رمضان + تاخرت ع الدوام
يعني جي ولا جي ماستفدت لو انا نايمه في البيت كان ابرك وارحم بما اني تعبانه
المهم على بالكم اليوم السيء خلص؟ لالا وصلني اخوي الدوام وافتح الايميل انصدمت
ان دوامنا ماراح يكون فيه اجازه للعيد غير 3 ايام العيد فقط رغم ان الدولة كلها اجازه اسبوع كامل
" للابد القطاع الخاص عدو السعادة "

وبس والله انا حاليا اشعر اني ما اشعر بشي
بس اللي اعرفه ان لازم يمر هاليوم بسرعه وافتك منه لان تعكر مزاجي فيه
وكان يوم متعب جدا جدا جدا

" يوميات فتاة منحوسه "

-

اليوم ليلة 27
لاتنسون صلاة القيام وادعوا كل اللي بقلبكم رتبوا ادعيتكم
وحتى لو كان بسيط الدعاء تأكدوا ان الله يسمعكم
- الله يفرج همومنا ويسعد قلوبنا ويسهل امورنا
ويزين دنيتنا واخرتنا
- ويفرحنا ودايم ويبعد الحزن من قلوبنا
- ويحقق كل امانيتنا ويشفي جميع مرضانا ومرضى المسلمين
ويرحم جميع موتانا وموتى المسلمين
ويقبل دعائنا يا رب يا رب يا رب

وأكثروا من قول
"اللهم انك عفوًا تحب العفو فأعفو عنا"

- ياحيي ياقيوم برحمتك استغيث اصلح لي شاني كله
ولاتكلني لنفسي طرفة عين فلاحول ولاقوة لي الا بك

-

باقي ساعتين تفصلنا عن الذهاب
للمكان اللي ما احبه
نايتي