|
موضوع مُغلق |
| LinkBack | أدوات الموضوع | انواع عرض الموضوع |
09-10-16, 02:30 AM | #91 | |||||||||||
| يالله طلبتـك والمدامـع حزيـنـه يالله طلبتك وازرق الدمـع همـال بي ضيقةٍ لو تنتشـر فـي مدينـه والله فلا يضحك بها حتى الاطفـال مسكيـن قلـبٍ فارقتـه السكينـه قلبٍ يقطعه الآسى من غثى البـال امن القهـر قـام يتزايـد ونينـه ينوح نوح اللي تعلت على الجـال يرجف من اللوعات رجف المكينه تلوعه الدنيا على شـط الاهـوال امن اولٍ كانـت جروحـه دفينـه واليوم اصبـح للغرابيـل مدهـال باح العزاء والقلـب بيـح كنينـه ولاعاد باقي للصبـر فيـه مثقـال يصيح باعلى الصوت يامن يعينـه يامن يوصل شيخنا الظلم بالحـال قولوا له ان الظلـم اكبـر غبينـه لجا من اللي بالعدل مضرب امثـال دسوا عليه اهل الوجيـه اللعينـه أهل الوجيه الكاذبه قـول وافعـال حطوا المظالم تحت اسمه رهينـه وحطوا السيادي دونهم ستر وظلال وقاضي المظالم كف عنها يدينـه وقال السيادي مالنا فيـه مدخـال اعـرض على اللي بالعدل خابرينـه اللي مضاريبه على الظلـم تنهـال شيخٍ على الفزعات يضوي جبينـه بس الوصل دونه رجاجيل واقفـال والشيخ ماهو شمس يشرق بعينـه بالعدل وصى وبعضهم خان الامال ياما على العادل تطوف الرطينـه وياما مع الطيب يخونون الانـذال ماتصفـق اليمنـى بليـا عوينـه ومايروي الظميان طرد اشهب اللال اضرب بعدلـك تستقيـم السفينـه اضرب بعدلك اسودٍ كنـه الشـال بالعدل تصبح كل عجفـا سمينـه وبالظلم تجنح كل خصبا للامحـال ياقلب لاتحمـل عليهـم ضغينـه كفيكهم عالـم خفيـات الاحـوال ياقلب تُفـرج والفـرج محترينـه بامر الذي انزل تبـارك والانفـال | |||||||||||
|
09-10-16, 02:31 AM | #92 | |||||||||||
| ماقول ان الصدر ضايق أقول الكون فيني ضاق ماقول أن غيبتك صعبه أقول البعـد [ ينهينـي ] أنا يامازعل قلبـي عليـك وماطريـت فـراق أشيل بخاطري [ يمكن ] وارضى لـو تراضينـي ياليتك بس [. تفقدني .] كثـر ماأفقـدك واشتـاق قسـم بالله مايطـري علـى بالـك [. تخلينـي .] بعيني انت هالدنيا وومن غيـرك لعينـي لاق كثييير ومامــلوا عيني و[ قلبـــ♥ـــك ] بـس يكفيني فراق! وكنت أبي منّك تعوّض هالصبر بعنـاق عشانك بعت هالعالم وجيـت اليـوم [ تنفينـي ] حبيبي حلت الفرقـا وبعثـرت بجفـاك أوراق عزاي بغيبتك صوره علـى بعـدك [ تواسينـي ] أنا غصب علي أرضى ببعدك وأكتم الأشـواق وأكابر رغم [ حرماني ] وأداري دمعتـي بعينـي حبيبي والجفا سجني وقربك من سماي إعتاق بكثر عيوبي بعينك [ فقدتـك ] وينك ووينـي! حبيبي حس في حزني ترى دنيـاي [ ما تنطـاق ] [ أهونهـا ] ولا هانـت كبيـره صدمتـي فينـي وشاللي يصير بالدنيا لو إنك جيتنـي [ مشتـاق ] وش اللي [ تخسره ] يعني إذا فكـرت ترضينـي من الآخر ترى بعدك عطاني هالزمان [ طراق ] لأني[ كنت ] احسـب إنـك تمـوت وما [ ..تخلينـي.. ] | |||||||||||
|
09-10-16, 04:57 AM | #93 | |||||||||||
|
البارحه يوم الاوادم خواشيع في نومها وانا على الكوع واعي همٍ يمزع سترة القلب تمزيع تقول ينهش ثومة القلب افاعي خذت القلم من بين روس الاصابيع وحبيت اميز سيرتي وانطباعي عزلت من صدقان عطلة الاسابيع وعزلت من ضحك الوجيه الصناعي | |||||||||||
|
09-10-16, 04:58 AM | #94 | |||||||||||
|
ويالله برزقٍ ما لاحد فيه منة ينسي المحتاج وش كان محتاج ويالله بمحتاجٍ ليا سِد عنه يذكر موافقنا بدعوة وهو حاج كنت احسب الناس للناس جنة واثر القلوب لبعضها صالي الصاج ووجهي اللي مالقى من يحنه من منة العالم ومن بعض الاحراج | |||||||||||
|
09-10-16, 05:12 AM | #95 | ||||||||||||||||
|
لو حبت النجمه نهر .. وطاحت على صدره سنا أن مرت الغيمة قهر .. وان هبت النسمة قهر والى رمى طفلٍ حجر .. عكر مواعيد الهوى انتي وانا نجمه ونهر .. وطالت مشاوير السهر بينك وبيني الغيم .... والشمس .. واغصان الشجر .. وحكي العواذل والحذر .. ولو رمي طفلٍ حجر .. عكر مواعيد الهوى يابنت للنجمه سما .. وانا لي الوادي ماختار في قربك ولا ... اختار في بعادي امشي .. ولاودي .. لوتمسكي يدي لااضيع فـ أمواج البحر .. ويفوت ميعادي ان مرت الغيمه قهر .. وان هبت النسمه قهر لو حبت النجمه نهر | ||||||||||||||||
|
09-11-16, 01:54 AM | #96 | |||||||||||
|
يابدر ضيعته نهار الوداعي دورت له في تركيا العرض والطول لا بالسما يذكر ولا هو بقاعي غدا به اللي زارني باسم مجهول ثلاث مراتٍ يجي دون داعي مجمول مايرضا يشوفه ولا زول وعلى عيون الناس يلبس قناعي غدا فوات الحرص ياويش أباأقول أخذت عنوانه ورقمه وضاعي قفى وانا انحروه الا على الحول مدري قطري والا من اهل الرفاعي ابو جديل فوق الامتان مجدول غرٍ مراهيفٍ وخرصٍ اوساعي من عقبهم كني على الناس معزول او تقل مفرود لجا عند راعي يسري بي الهاجوس والفكر مشغول يوم انتبه كني في وادي السباعي امشي دبوب مسفه العقل مذهول مثل الذي يمشي بقلب صناعي | |||||||||||
|
موضوع مُغلق |
مواقع النشر (المفضلة) |
أدوات الموضوع | |
انواع عرض الموضوع | |
| |
المواضيع المتشابهه للموضوع : ديوان مسك الغلا، | ||||
الموضوع | كاتب الموضوع | المنتدى | مشاركات | آخر مشاركة |
سجل حضورك باسم حيوان او صورة حيوان | مهند العاشق | قسم عالم الكائنات الحيه البريه والبحريه | 2346 | يوم أمس 09:26 AM |
حيوان الشبث | مطر الفجر | قسم عالم الكائنات الحيه البريه والبحريه | 15 | 11-30-16 05:58 AM |
يخوان.. | رغد الحربي. | الترحيب بالاعضاء الجدد •• | 7 | 05-21-16 03:32 AM |
يقولون الغلا ميت ... وأنا أقول الغلا مـ مات | عاشق عيونك | همس القوافي - شعر - قصائد •• | 6 | 12-04-14 07:18 AM |
اشجع حيوان في العالم حيوان غرير العسل ( الغرير ) | مطر الفجر | قسم عالم الكائنات الحيه البريه والبحريه | 2 | 09-11-14 11:34 PM |
| أصدقاء منتدى مسك الغلا | | |||||