لاجيت طيّب قالوا الناس مسكين
وإن جيت أقشر قالوا الله يشيـله
ولاحدّتك دنـياك للـفـقر والدين
قالوا فقـير وحمّلوك الفشيـلة
ولاضحكت أيامك وحصلت قرشين
قالوا ترى نصّاب ياويل ويـله
ولاجبت غلطة حطوا العيب والشين
وزادوا على غلطتك قاز وفتيـلة
ولاجاتك الزلّة وتاهت عنوانـين
قالوا ترى مجنون خلوا سبيـله
ولا رحت مقفي مع رجالٍ مقفين
قالوا ترى المقفي ندور بديـله
ولاجيتهم بالجود وفعل الكريمين
قالوا يهايط كـل صبح وليـلة
وإن طحت خلوك العرب والمحبين
واللي يطيح فـ هـالزمن عزتيـله
قال الجمل لاطاح جته السكاكين
وكلٍّ على ذبحته بيشد حيـله
هـذي حقيقه قلتها وسط بيتـين
من شاعرٍ ساق البيوت الجزيـلة
جرّبت في الدنيا وشفت الكثيرين
وأشوف هذا الوقت مافيه حيلة
الناس ماترضى ولـو تسكن العين
وصعبه تحقـق حاجةٍ مستحيلة

ياسعـود يامشكـاي ويـش التدابيـر
لاتشتكي جـور السنيـن وشطفهـا
جـور السنيـن يـحـل ويـمـر ويصـيـر
راجـع زمانـك واكثـر النـاس شفـهـا
النـاس لاحقهـا مـن الـوقـت تاثييـر
وتصبر على باس السنين وصلفهـا
تـمـيـل مـيــلات المـقـاديـر وتـغـيــر
وان وصفـت بتعـذب اللـي وصفـهـا
فإحرص على قرب الرجال المناعيـر
الـلــي دروب المـرجـلـه تحـتـرفـهـا
تـلـقـى بخـوتـهـم مـعــزه وتـقـديــر
ومجـالـسٍ مادنـسـت مــن عرفـهـا
تاقف معك لو همك اكبـر مـن النيـر
وبعزمهـا حتـى الصعـاب اتعسفهـا
ولا قــدر الله ثــم رمـتـك المـقـاديـر
الـرجـل مـنـهـم وقـفـتـه لا وقـفـهـا
تسـوا لهـا فزعـة صفـوف وطوابـيـر
ماهـوب لا شـاف الصمايـل حرفهـا
يقلط على الشده كما سالـم الزيـر
وتامن به الديـره وهـو فـي طرفهـا
لامازهمتـه قـام يشتـح كمـا الطيـر
لا ضـــف جنـحـانـه وكـفــه عكـفـهـا
واهـل الـردى مالـك وراهـا مداويـر
جـنـب مجالـسـهـا وجـنــب ولـفـهـا
لو اضحكـت لك في السنين المياسير
لابـد فـي وقـت القـسـا تكــتشــفـهـا
تفِرح بك الشــمات لـو ذنبـك إصغيـر
وتحتـار فـي اصغـر غلطـةٍ تقترفهـا
ويصير همك كبـر هضبـة شمنصيـر
لـكــن جــنــب معـرفـتـهـا وعـفـهــا
لانــذال رفقتـهـا مـهـونـه وتقـصـيـر
وتِكــثـر عنـا نفسـك وتكِــثـر حسفـهـا
فالرفقـه اللـي ماتدلـك علـى خـيـر
آلــلّّــه يلـعـنـهـا ويـلـعــن جـدفـهــا
ولا تـــرادع جـاهـلـيـن المـحـاضـيـر
ولو تعترض لك كلمة الـلاش طفهـا
و إحفظ إلسانـك لـو بلـوك المعاثيـر
الكلـمـه الـلـي دون مـيـزان خفـهـا
يـجـوز تـرمـي كـلـمـة دون تفـكـيـر
والصبـح سـودان القلـوب اتخطفـهـا
واصـدر ليامـا عفـت صـدارت ابعـيـر
لاترتجيـهـا 00 واطـلـب الله خلفـهـا
وتـرا النصيـب يصيـب مافيـه تغييـر
لــو تبجـــد امــواج البـحـر وتغـرفـهـا
وعـذر الرجـال الطيبـه خلـه ايصـيـر
ابـيــك تـعـذرهـا وتـقـبـل وسـفـهــا
الـعـذر يقـبـل لاحـصـل فـيـه تبـريـر
إمـن الرجـال اللـي صريـحٍ هدفـهـا
فـي كـل شـي قـد تجـوز المعاذيـر
إلا علـى اعـراض الرجـال وشرفهـا
أقولهـا وأنــا الــذي ســـلـوتـي غـيـر
البعـد عـن ضـيـق البـيـوت وكنفـهـا
واسـج فـي خبـت كستـه النواويـر
حيثـه ظفـر روحـي وحيثـه نصفـهـا
واسواق الاسهم والذهب والدنانير
لـو ســلموهـا فـي يـديّ اصطرفـهـا
ينوبـهـا ملـحـاٍ مــن ابــل المناصـيـر
ارعابـهـا زهــر الـفـيـاض وقطـفـهـا

لله يا أيام مضت لو تعودين * نفسي تبيها والليال تعصاها

قارنتها بالوقت الأول وذالحين * وحنت لها روحٍ تزايد عناها

رسمتها من عام خمس وثمانين * راحت سنين وخاطري ماسلاها

الله على بيتٍ لنا خابره طين * في حارةٍ مادنس الغدر ماها

الله على ذيك الغرف واللياوين * محلى برودتها ومحلى دفاها

لاجا المطر نرقى على السطح عجلين * نفتح مرازيم الغرف ونتباها

الله على جيران ابوي القديمين * ذيك الوجيه اللي كثير حلاها

الله على جيران ابوي العزيزين * اللي على الصاحب قليلٍ جفاها

نياتهم حلوة وللجار حلوين * تعتز حرمة جارهم بقصراها

الله على صدقان ابوي الوفيين * أصحاب شدات الزمان ورخاها

الله على صدقان ابوي الحبيبين * لاشافوا الخملة حديهم رفاها

اهم على زلات الأصحاب شفقين * لياجتهم العوجا تبين قداها

هاك الوجيه الطاهرين النقيين * لودارها درب الردى مالقاها

مافيه أمل ترجع هذيك الدياوين؟ * وهاك الرجال اللي كرام لحاها؟
واليوم ياوقتي تبيبي اليا وين؟ * ادخلتني غبات بحرٍ تطاها

رجعتني لوجيه ناس غريبين * ناسٍ تزوك انفوسها من عياها

فيهم قليل من الرجال المسمين * اللي تزبن بالوزى من نخاها

وفيهم كثير من الرجال المساكين * لوهي رجال مسنعتها نساها

رجالهم لوله من الوزن طنين * ريشة هوى يلعب بها من لقاها

ياشفتهم تقول وش ها البعارين * لاشك عند الحمل تسمع رغاها

حقيقة الشوق وخوية خيالي
نصبتها روحي وصدري بلدها
اقرب من انفاسي ورسمة ظلالي
الترفه اللي وسط قلبي وحدها
. . . . تشوف لذة عمرها من خلالي ،
واشوف لذة عمري بلمس يدها
يحبها قلبي مع حبها لي
ويدعي لها في كل سجدة سجدها
انيقة الذوق الرفيع المثالي
نعمة من الله من لقاها حمدها
نور القمر لو قال طلي بدالي
نوره مايعطي نورها من بعدها
لقت لها قلب من الحب خالي
ولقيتها بين السحاب وبردها
معها وصلت لقمتي واكتمالي
مثل الاهله يوم يكمل عددها
في صوتها ماعاد لزين تالي
كلامها بشويش قد له جهدها
بعلن من الكون الفيسح انفصالي
وارحل لعالم حبها واعتمدها
مادامها بد العذارى حلالي
خلوني اعشقها واعيش برغدهآ
إذا العسل في نظره الناس حالي
مع ريقها صار العسل مر وادهى
فديت حبة خالها بري حالي
فوق الشفاه يمين جات بوعدها
تقول من يقدر ينافس جمالي
وحتى الجمال يقول من ينتقدها