10-21-16, 03:12 AM
| #1 | |||||||||||
  
| 
زوجي مايقولي خصوصياته 
السلام عليكم ، كيفكم عندي فضفه ابي افضفضها انا مملكه وزواجي اخر السنه ان شاء الله زوجي قاعد يبني بيت من قبل لايخطبني وكذاً، اللي قاهرني ان زوجي مهما سولفنا وتكلمنامستحيل يجيب طاري البيت بس يقول العمال كسرو ظهري الحديد كسر ظهري وكذاً يعني ودي يقولي ي زوجتي كيف ابني البيت وكيف تبينه ودي استشارني. باشياء بخصوص البيت واقوله كيف البيت تنسيقه قال مفاجاءه بيعجبك بس لاتقروشيني كل شهر15 الف ريال احط فيه . مافهمت ذي صراحه اش قصده طيب ابي اعرف هوليه مايستشيرني هوقالي العفش عليك انتِ بس مجلسي ومقلطي وبيت الشعر انا بضبطها طيب ودي تستشيريني بالشي ذا كلهه ماادري هل الرجال هم كذاً،او لا زوجي مرره مايحب بس قلي مساحات الغرف وعددها وكذا انا افهموني ودي مثلا يقولي اش رايك وين نحط غرفة الحريم وين نحط المجلس وين غرفة النوم يعني مثلا اش رايك بذا وكذاً عشان لوسمح الله شفت شي ماعجبني بكره اقوله مع انه مريحني وكذاً بس المفروض يستشيرني فكرت البارح اقوله انت ماتستاهلني ولاشي مشورتكمم بالله انا عشرينيه وزوجي ثلاثيني شكراً.  | |||||||||||
| |
|
10-21-16, 11:08 AM
| #2 | |||||||||
  
|
المهم لاتفهمين زوجك خطاء الرجال يفكر بعقله اعتقد الاثاث هو الشي الوحيد اللي تفهمين فيه اما البنيان والتخطيط والتشطيب والديكورات فهذي كلها تحتاج الى مهندسين وتصاميم ومكاتب هندسية ووجع راس نصيحة تعوذي من ابليس وحافظي على زوجك  | |||||||||
| |
|
10-21-16, 11:09 AM
| #3 | ||||||||||||||||||||||||||||||
  
| عليكم السلام ورحمة الله وبركاته اختي لا تدققين في اشياء مثل هذه ليست مهمة انتي لك بيت تسكنين به وقولي الحمد لله انه ملك لكم انا لا ارى مشكلة بالموضوع لا تفتعلين مشكله ريحي راسك هو عليه يعمل كل شيئ وانتي ملكة تعيشين وتسكنين فقط
احمدي ربك قال لك انتي تختارين العفش والله بعضهم يسون كل شي بدون اخبار زوجاتهم ويسون اي شيئ لاسكاتهم لقد اعطاك الحرية بالغرفة التي تريدينها تأثثينها وهذا اهم من ان يستشيرك بل اعطاك الحرية مطلقة لا تسالي في كل شيئ ولا تنتظري ان يستشيرك في شيئ لانك لو خالفتيه في شيئ من تصميم البيت يستحيل ان يغيره لاجلك لانه قد خسر مسبقا في ما فعله ولن يخسر مره اخرى لاجل رايك انا اقولها لك بكل صراحه لا تناقشين الرجل في شيئ قد فعله بنفسه و انتهى امره
والله اسمحي لي بكل صراحه وبدون زعل ان كان ستقولين له انت ماتستاهلني لاجل انه لم يستشيرك في البيت فانا اقول بل انتي التي لا تستاهلينه ولا قدرتي تعبه لاجلك وخسارته وبناء البيت لاجلك ! كوني عقلانية ولا تدققين في اشياء ليست مهمه حكمي عقلك وانظري الى الايجابيات التي فعلها لك وتكبد العناء والخسارة لاجل ان يرضيك ويعيشك حياة كريمة في منزل خاص بك وليس ايجار يعني بيتك مملكتك قدري يا اختي من لا يشكر الناس لا يشكر الله بالتوفيق تحيتي | ||||||||||||||||||||||||||||||
| |
|
10-21-16, 11:20 AM
| #4 | ||||||||||||||||
 
|
اتوقع اغلب الرجال كذا بس بالنسبه لمواقع الغرف اللي اعرفه انهم يمشون ع مخطط يعني رسم توضيحي وهو يختار اي مخطط حبه عرفتي شلون مو ع حسب اختيارك المطبخ محدد وكذلك المجالس وخليك وسيعة بال اهم شي الاحترام وبيت ملك مو اجار عرفتي شلون وزي ماقالت مطر زين قال انتي تختاري العفش بالقسم الداخلي مجلسه ومقلطه عليه الله يوفقكم ويتمم لكم ع خير وياجعله مسكان العافيه | ||||||||||||||||
| |
|
10-21-16, 12:52 PM
| #5 | |||||||||||||||
 
|
وعليكم السلام شوفي حبيبتي الرجال شكله نيته طيبه ويبي يسوي لك مفاجآت وفي خاطره يبغالك تجين زي الملكة تعوذي من الشيطان حبيبتي ولا تخلين الشيطان يدخل بينكم | |||||||||||||||
| |
|
10-21-16, 01:05 PM
| #6 | ||||||||||||
  
|
والله ياالغاليه هذا موضوع عادي مدري ليه تحسسين منه هو اعرف منك بالاشياء ذي يكفي الاثاث والتزين عليك خلاص وش تبين اكثر بعدين لاتظغطين عليه هو يحتاج اللي يهون عليه وهو ماقالك شي مايبي يعور راسك بش مو مهم ابداً اهم شي تكونين سعيده معه وهو سعيد خلاص الباقي ينحل مع الوقت وربي يوفقكم ان شاء الله | ||||||||||||
| |
