مشكلتي معقده أحياناً أقول بنفسي مابي أظلمه لكن في نفس الوقت لازم أكون حذره علشان أحافظ على بيتي

تعامل زوجي معي من بداية حياتنا كان فيه نوع من السيطره على كلامه ما يستغني عني

كان يحرمني أنام أخر الأسبوع عند أهلي لما يجتمعون أخواتي بس يسمح لي بالسهر ويرجع يأخذني بعدها يطلع لأصدقائه و يتركني بالبيت

حتى المناسبات والزواجات مايسمح لي أكثر من السهر وكان يتعمد يجي يأخذني بدري على الساعه 12 هو أحق من الناس بالنظر في زينتي



حتى لما أمرض مستحيل يأخذني لطبيب وكان يصر على الطبيبه والسبب أغار عليك




وبدأ يخف بالتدريج صار لنا متزوجين سنه ونصف


لكن من شهر تغير تعامله معي مو أنه كان سيء معي أو ما يحترمني بالعكس محترمني ويلبي لي طلباتي


لكن يحرص على راحتي يعني يطلب مني كل يومين ما أطبخ غدا ، يساعدني في شغل البيت !!



أول أشهر زواجنا فوضوي ويرمي ملابسه على الأرض وأن البيت مسؤوليتي !!



أستغربت منه مايسوي شي بالبيت قبل وهذه الفتره لما جتني أنفلونزا سوا لي كوب حليب أخر اليوم !!





ونفس الوقت زاد أهتمامه بنفسه وشكله ويشتري عطورات ويفصل ثياب جديده يروح للحلاق مرتين بالأسبوع !!


أحس الموضوع فيه إن فتشت جواله لكن مالقيت شي لكن التفكير جاب لي الهم


حتى الأنجاب رافض الفكره على كلامه لسه بدري لأن عمره 26 وعمري 25