أحيان أحس إنه بقربي و أتحمس للنشيد
وأرقى الضفاف النايفة وأطلع على مرقابها
مدري رُأى و إلا حلم و إلا رسايل في البريد
أنظر حبال الوصل من كف السعد وأرقى بها
وأحلم بساعات الهناء و أساير الحلم السعيد
و دي أفسر حلمنا و أخشى الغلط و أهابها

سلام الله على ألي في وجوده يبعث الراحة
سلامٍ لك يخصك يا عزيز جابك الطاري
تجي ذكراك مثل الصبح يملأ حيز الساحة
مع عطر الزهور ألي حملها الورد للشاري
مُحياها معه وردة و تفاحة و تفاحة
تحركها الغصون اللينه بالجدول الجاري

لو غير الوقت من طبعك ومظمونك
النفس من طبعها تعرف مخارجها
دور على الي من الشدات يحمونك
درب السعد و الفرح والجود منهجها
ناس يزيد غلاهم يوم يغلونك
وناس تمنى من المولى يخارجها

و دي أسوي مع* الطيب علاقة
ودي أخاوي من الأجواد ذوق
من بعيد الناس و إلا م الرفاقة
المهم ايكون في الخوة خلوق
فيه حلم و فيه جود وبه لباقة
ويتحاشى ضيقة الصدر الضيوق
و إن تكلم كلمته ذوق و طلاقة
مثل من يجني ثمر عالي العذوق
ليت لي مع حضرة الطيّب صداقة
واقتبس من منهجه زين الطروق

عطوها مع طريق الورد وردٌ
وغنوا في القدوم و كرّموها
و أنا باستقبل الوردة بكفي
من الغالي و بالغالي شروها
كفوف تهدي الورد ابلقاها
و حلواها مع ألي . قدّموها
ياحبي للورود ألي* بيدها
و يا حبي لها* ولي عطوها
أحب البيت كله و القرايب
و كل الحي و ألي جاوروها
سيبقى بيننا ودٌ و محبة
محبة ود للي .. جرّبوها

يرتفع سوق الذهب و الا يطيح
القناعة عز نفس .. و راس مال
صح قول ألي على القول الصحيح
و ما ربح من سار في درب الظّلال
من مشى القمرا عوافي ما يطيح
يقصر الخطوة .. ليا غاب الهلال

الوسم