‏وش حنينه ؟ لا تسولف بالحنين
‏لك زمن غايب ولا همك أحد
‏.
‏لا تدور وين هذيك السنين
‏انتهت لا احساس باقي ولا وعد
‏.
‏صرت انا وقلبي لبعضنا عاشقين
‏كل منا يصون ويحفظ العهد
‏.
‏خلنا ... ما دام حنا سالمين
‏ليه جيت ؟ اشتقت تجرحنا بعد ؟
‏.
‏أسوأ انواع المشاعر تدري وين ؟
‏لو تحب انسان ... ما يشعر أبد !

مابه جديد الا جديد الاغاني
لو كان مالي بالاغاني علاقه
،
الوقت اخذ مني كثر ماعطاني
ياما سرق شوقي واعز الرفاقه
،
يطيب جرح ويتبعه جرح ثاني
واقسى الجروح اللي تجي في لباقه
،
الورد مايجرح قوي المحاني
اللي جرحني كرت في وسط باقه !
،

‏لو هي سهلة ،
‏ما تشوف قلوب كهلة
‏وتوّها بسنّ الشباب !
‏الهوى ..
‏ياهو عذاااب !!
‏فجأة نلقى الحبّ فينا
‏وان رحل ؟
‏ما يعطي مُهله !