‏.

‏يقول يغـار !
‏وحيل .. حيل ضايَـق !

‏تغــار ؟!!

‏أنَـا ، متْ بغيرتِي !
‏أنـَا ..
‏شبيتْ فِي روحِـي حَرايـقْ !!

‏ــــــــــــــ ،

بعض الدفـآتر موجعه دون م أقرأ
وشلون لو ضمت بهآ ذكريـآتي

أشعآر وأمـآني وخوآطر وشكوى
وخطوط أغلى ناس مروآ بحيآتي

طاب ياعيوني.. صباحك
كنتي طول الليل ..سرّي
وفرّعك حلمي..وباحك
كنتي لي..
أرضي الحرام
لكن الشوق استباحك
حَلّ معقود الجدايل
سال عطر الوقت..
عن ثوب الرسايل
سال ماي الرغبه فيني..
جيت أبشْرَب
أثخن ايديني جروح
قلت: يا مَعْذَب جراحك!
دام هذا هو هماجك
بيزْهِر النور بقراحك
قبل أبوحك..أزهر بصمتي
ظلام
وكنت أحس.. أقسى جروحي..
فـ السلام
وأقصى جروحك ..فـ البهام
وشابت عيون الكلام
وداهمتني
غربة القول ,,ورماحك
قلت: يامَعْذَب جراحك
اللي حَبّك..قبل أحبِّك..
ليش ما قالك أماني؟!
ليش ماشالك ..أغاني؟!
ماشكَّل حْروفك لغه..
ما وَسَّع كفوفك وطن..
ما نوَّرعيونك نجوم..
ما مَدَّدْ ايدينك سواحل..
ليش ما أطلق سراحك..
فـ المدى..واعتق جناحك؟!!!!