صرنا نراقب بعضنا من بعيد لـ بعيد
هو يحتري جيتي و أنا أحتري جيته

هذي حياة العنيد إليا عشق له عنيد
كلن جلس ينتظر حسب مزاجيته

انت العسل كله ونصفي الثاني
حبك سكن في خاطري ووجداني

انت الطير
انحبك وروحي افداك مهما ايصير
في كل لحظه واخذه التفكير
امكبد وفي حبك اعلنت بياني
ودك الدنيا كلها نساني

ميت فيك
طعم الهنا والفرح بين ايديك
ياكبيدتي شبيك نا لبيك
اطلب وطلبك ينتهي ف ثواني

انزعل جميع الناس وانراضيك
قصة غرامك قاهره عدواني

ياليل بلغ للعزيز اشواقي
قوله ايريدك غير ماهو لاقي

بلغه وارسله
علي شي واجد ماقدرت انعله
وقوله الشوق ايزيد وين اندله
الخاطر على طرواك شاقي باقي

ياليل بلغ شوقه
الخاطر وشيله للعزيز بروقه
قوله غرامك شابكات اعروقه
بسيول دمعي في افراقك ساقي

بلغ اريافه ولوعه
وشوق حارقه قاعد حبيس اضلوعه
دوم في سريبك ماخطى موضوعه

بلغ جميع احساسي
ياليل عهده لي ماني ناسي
ريدي وديدي وانت في اتواسي
قوله اشواقي ماليات اوراقي

ماتدري إنك من الجلاس سارقني
أجلس معهم وفكري يتبع طيوفك

إنغيب إنغيب ويجيبني حنين
بلهفة شوق تسبق في اخطاي

تعال وخوذ من عمري اسنين
تعال وشوف ياغالي غلاك

درتك سر في صدري دفين
ونفرح وين مايقولوا اسماك

وان فات نهار يامرود العين
مش محسوب من عمري بلاك

ذبحني عليك الشوق واتعبني التفكير
بعد ما خذاك الوقت عني ولا جابك .