السلام عليكم ورحمة الله وبركاته
اخواتي اخواني سعيده ان اكون بينكم واسعد الله اوقاتكم بكل خير فضفضه من ضيق وهم وقهر وقولو الي مثل وضعي ايش راح تسوي وايش تعدل
.
وانا اعتبر ماكتب سر وامانه بعدم نشره واي وحده تعرفني من خلال موضوعي اسألك يالله ان تحفظها إذا حفظت ماقلت وان لا توفقها ولاتسعدها وان تبتليها إذا تكلمت او افشت سري
انا متزوجه منذ قرابة 8 سنوات 6 سنوات اعتبر اني كنت مدلله عند زوجي وبيننا حب واحترام وامورنا كانت زي العسل
"
.
الى ان جاء يوم وحلت بنا مصيبه
قبل سنتين اختي الله يشيلها مسكوها مع شخص اغراها ووهمها انه يحبها كانت غائبه عن الكليه وتم سجنها
ابوي بكاء ولأول مره ارى دمعته منذ 15 سنه من بعد وفاة عمي ، ابوي جاته جلطه امي نحل جسمها اخواني اسودت وجوههم اختي انفسخت خطبتها
ابتلينا بلوه بذنب لم نقترفه سمعتنا تشوهت
انتشر الخبر بين الناس حتى زوجي صار قاسي وشكاك بعد هذا الخبر
ومانزل اي مكان واهلي ماخذ عندهم ساعه في الاسبوع
اجلس عند اهل زوجي ما أسلم من الدق في الكلام
الى درجة مره كنت عندهم وخالتهم تسألني عن خواتي
وقلتلها اسمأهم وماقلت الاخت الي في السجن لاني ماعترف انها اختي ووحده ترد وتقول ماقلتي اختك السجينه قمت ومشيت وانا ابكي
.
ابوي كان مدللنا اكثر من العيال ويجيب الي نبغاه والحين بسببها خواتي ساحبين منهم الجوالات مامعهم جوالات
معهم جوالات تاب بدون شريحه حق الأطفال
خواتي كانو يجونهم الخطاب الى ان جاء وحده منهم رجل مناسب ووافقنا وتمت الملكه وبعد هذه السالفه طلق والى هذ اليوم مجالهم احد
...
مره اضربت عن الاكل وخذت يومين مأكل عشان زوجي تكلم علي كنت اطيعه بأي شي يقوله اخاف من الطلاق ويزداد الطين بله لعائلتي جاني وقالي ليش متاكلين قلت ليش تحاسبني على ذنب ماهو ذنبي
وتعاملني بقسوه
قال اقسم بالله ماهو بكيفي الناس كرهوني فيكم ارحامك في السجن ومن هالكلام وبدا يخف علي بعد اضرابي عن الاكل و لاكن اشعر بأنه يكرهني ولا يحبني ويفتش جوالي باستمرار جاله شك عظيم
ووسوسه ولايحب يجلس معاي
..
كنا في زواج انا واخواتي وعلى طاوله وحده ومحد يرضى يجي عندنا او يجلس معانا جاتنا وحده عمرها 18 صاحبة اصغر خواتي بعد شوي جاتها امها وسحبتها من عندنا ايش ذنبنا ايش الي سويناه حنا
حسبي الله ونعم الوكيل
..
ابوي قال مابيستلمها خليها في السجن واخواني يقولون استلمها وحنا راح نذبحها عشان تنغسل سمعتنا لو بعض الشي
.
امي تقولهم جاهله وحاولت فيهم وهم عاده مايردون لأمي طلب ولاكن رفضو وقالو والله لنذبحها
بس جيبوها
بعد ماكنا اجتماعيين والناس يحبونا ويجونا ويعزمونا الكل صار يكرهنا