بعد صلاة الجمعة

جالس اتابع التويتر بالجوال وحالي حال نفسي
وبنتي ترف جالسه بحضني تتابع معي ..


وطلعت لي تغريدة مُروَجه تبع برنامج محادثات
ما ادري ايش هو فيه صورة بنت المهم ما اهتميت
انا الا وترف تصارخ ( عيييب بابا عيييييب ) !

المشكله مو هنا المشكله امي و ابوي جالسين قدامي يتقهوون


كيف اقنعهم الحين اني مظلوم !

احتاج غريب ابوح له بخفايا عالمي المثالي !

اليوم خلصت اللمسات الاخيرة من مشروعي
الجديد .. مشروع ابداعي في العمل يارب
ما انخدل و احصل ردّة الفعل المرجوّه

ان تفكّر خارج الصندوق
هذا امر جيّد و لكن
ان تتجاهل الصندوق و ما فيه
هذه سَقْطه مُدوّيه !

هل الإهتمام عامل يَطرد الناس
من حولنا !؟

طاب مسائكم بما تشتهي انفسكم
من خيرٍ بإذن الله

اليوم مر علي مرور سريع اول يوم اداوم
فيه من بعد فترة كورس اسبوعين
احس اني متهيء للعمل لكن بنفس
الوقت احس انّي غريب !

ودعت بنتي ترف الصباح وهي تبكي تقول ( بابا قو ) يعني
بروح معك بدل ما تقول ( باي سمانه ) يعني مع السلامه
في مصطلح بنتي ترف ..

اما بنتي لانا في سابع نومه ما طقّت لي خبر


للمعلومية انا دوامي في منطقه نائية اغيب عن بيتي اسبوع
وارد لهم عششان كذا الموضوع شوي عاطفي