حاولت أجافي عنك تعبير الإحساس ............. واشغل فكر هايم وطرفٍ يهِلي
/
اجافي أشواقي وترديد الأنفاس ................ اللي على طاري حضورك تهَلي
/
صارت حروفي شُهْب وغصون يُبّاس ............... في بيد قفرا ممحلة ما تسلي
/
حتى الخواطر عاندت كل كراس ................. كلما دعيت الحرف عنّي يولّي
/
أسوق له فكرة و قمراء و جُلاس ................ و يصد عنهم ما التفت في محلي
/
وأسوق له غيمة وروضة ونسناس ................... أغريه بالواقع عن أيام خلّي
/
وألقاه صامت يعتلي طرفه الياس .................. ينوي رحيله عن مكاني وظلي
/
أسائله يا حرف وين أنت لا باس .....................وألقى جوابه فيك يا بعد كلي
/
أنت الفكر والنور والشوق والناس ................ أنت السحابة والشروق المطلي
/
ما للحروف في غيبتك موطن وساس ............... وش لون والواقع بدونك مملي
/
لا تحاسب غيابي ولا تكون حسّاس ................ ما هو جفاء مني ولا هو تغلّي
/
الود جاك ولا تحداه هوجاس ................... إلا بهاجس وصلك اللي حصل لي
/
تحيتي
إحساس شاعر