اهداء لبنات منتدانا اللي مابعد تزوجوا

كيــف تصطادين عريسا دون اللجوء إلى الخاطبة أو الأساليب السقيمة من المغازلات والترقيم والتلميح اللي ماله طعمة........ إلخ
أهم شي..؟ انشبي للعجوز اللي (حاطة عينك على ولدها )
ثم اعملي مايلي:

1_ خليك مع امك ولاتروحين مع البنات وتتهيبلين اصبري عنهم
كم شهر لين تتم العمليـة..

2_ امشي وأنتي حاطة راسك بين كتوفك ولا ترفعينة أبد حتى لو
عورك خلي (الفكس) دائما في متناول يديك..لان العجايز
يحبون البنت الخجولة

3_ كلمة خالة خليها دايما على لسانك خاصتاً لأم المعرس عشان
تحس بنوع من التميز عن باقي العجايز..
( ملاااااااااحظـة):
لامانع تنادين عجوز ثانية بخالة عشان اذا مانجحت الخطة مع
العجوز نمبر ون تنجح مع نمبر تو
<< الإحتياط واجب وأنا اختك

4_ اذا بدت امك تتكلم انغزيها بكوعك عشان تدخلك فالسالفة
حتى لو مالك داعي تطبيقا للمثل (كثر الدق يفك اللحام)
دارية المثل مالة داعي

5_ اخوانك الصغار لاحقيهم وطامري معهم وين مايروحون
حتى لو ماهي عادتك بس تصرفي معهم كأنك
امهم عشان العجوز تاخذ فكرة إنك حريصة على ذريتــك..

6_ كل ماأكلت امك عندهم أكلة زينة خليها تقول نفس الأكلة
اللي تسويها بنتي حتى لو الأكل من مطعم صيني أومكسيكي..

7- اذا جتكم ام المعرس مدي ايديك وتوجعي وخلي امك تقول:
قايلتلك وأنا امك ماله داعي تنظفين جدران البيت الخارجية<< .يامعودة نظفي غرفتك اول

8_ اذا تكلموا أهلك عن العرس اكتمي نفسك لين تحمر خدودك
عشان يقولون البنت تستحي ومالنا حق تكلمنا عندها
<<< بس لا تكتمي نفسك حيييل اخاف تروحين فيها
وأصير قتلت نفساً بغير حق

9_ مهما كان موضوع الحوار حماسي لاتبدين رايك خليك
مثل البكما لأن اللقافة مايحبونها العجايز وبتجيب
اجل الخطة

10_ شعرك افرديه ولاتجعدينه مهما كانت الموضة
لأن العجايز مايدورون الا اللي شعورهم ناعمة

11_ اذا أدلت العجوز (ام المعرس المتوهق)
بأي راي سواء الراي سياسي أو وطني أواقتصادي
وافقي عليه حتى لوإنه ماسخ وماله داعي
..مثــال:
تقول العجوز نعرف اهل اوباما ويوم جاهم تقهوى عندنا البارح
قوليلها: وليه ماعلمتيني ياخالة أجي أساعدك..؟

12- في حفلات الاعراس اضغطي على نفسك واقضبي أرضك ولاترقصين واعتبري الرقص عيب وشق جيب
<<< حتى لو انك من اللي مايقعدن ابد
تحملي علشان خاطر ابو الشباب يستاهل المزيون

13_اذا جا طاري السوق واهو لازم يجي الطاري
لأنه ملح الجلسة عند الحريم خلي امك تقول:
بناتي ما يحبون يطلعون السوق وانا اللي اجيب لهم اغراضهم..
الحيـــــــــــــــــــــــن العجـــــــــــــــوز بتكـــــــــــــون
وقعـــــــــــت فالفــــــــــــــــخ
نروح للمعرس الحين
[1_ اهجدي في بيت اهلك ولا عاد تطلعين واذا جا المعرس
بيشوفك خلي أبوك يقول والله ودي تشوف البنت
بدون ماتدري عشان تاخذ راحتك وأنا عمك لان بنتنا
مابعد احد شافها وان جبرناها تدخل عليك
يمكن يغمى عليها عاد الولد بينهبل
وده يشوف ذا الجوهرة المكنونة

2_ قبل يجي اليوم اللي بيشوفك فيه بحوالي اسبوع او أكث
ر(حسب شين الوجة) طامري من صالون لصالون
(صبغ بديكيرمنيكير تنظيف بشره إلخ ..)

3_ إذا جا المعرس خلي اخوك يوقف جبنه ويبلشه عشان
مايطول بالتبحلق ويبان المخفي وذلك تطبيق لنظرية
(اللمحة ذبحة)

4_ في نهاية المشهد خلي ابوك يقول:
معليش وانا عمك ترى البنت ان درت انك تناظرها تراها
بترفضك عاد الولد بيغمض على طول لانه وقع في غرامك

وبهاللحظة الولد بينط على راس ابوك وبيحب راسه
ويبوسه لين يشفط مخه ويقول متى العرس ياعمي؟؟؟؟؟؟


[تـــــــــحـــــــذيـــــــــــر مهـــــــــــم:::

ابتعدي عن امهات العيال المتعلمات
راعيات الشنط نفس لون الجزمة هذولي
لازمهم خطط بعيدة المدى........