غربة مشاعر والمواني حزينه
والليل مايغريه ضي القناديل
والخطوة اللي بالمشاعر دفينه
تكتب على صدر المسافه مواويل
بالله قل لي ياشعاع المدينه
كيف العذاب يصير حلم المراسيل
يامركب البحار مرساك وينه
لاصارت الرحله عذاب وغرابيل
كلٍ يشوف الناس بطبوع عينه
وانا اشوفك ضحكة الصبح والليل
إنت وأنا مثل العذاب وسنينه
مثل الدموع اللي تضم المناديل
مثل السحاب اللي خذل مرتجينه
ليت السحاب يصون عهد المقابيل
مثل الشعور اللي قتلني حنينه
لاخانت الخطوه دروب المواصيل
الشاعر : فالح العجلان الهاجري