وش فيك يا بو ضاوي جبت المواويل
وخليتني يا صــاحــبـــــي بالغبيني
يا نجلتي يا عبرتي واقـبـل اللـيـــل
وسـوالـفـك زادت عـلي الـحـنـيـني
يا شين انا بلياك مثل الـمـهـابـيــل
وابكي كما يبكي خـطــاة الجنيني
يبي الرضاعة وامة فوق الزمـامـيـل
للمقبرة راحــــــــت ولا له عويـنـي
شكواك من جيل غدا دونهم جـيل
والا انا خـلـي يـنـتـظـر يرتـجـيـنـي
الياشفتها يا صاحبي تطرد الـويـل
واليامشينا تـنـشــد متى تجينـي
اخذتها من بين كل الرجـــاجــيــل
وكم وحدة من دونــهـا تـشتهيني
لاشك ابوها يوم مطارد هل الخيل
يجمع الغارة لـلـسـلـف للكمينـي
معربة ما هي من اللي لهم ذيـل
وسط الشوارع يجذبون الخدينـي
غديت انا من حالتك طايح الحـيل
وانا اتعذب والــمــلا مـــــا تعيـني