التفت بالهـون واسمـع يامـلاك
ودي اسولف على كيفـي واقـول
ايه احبك مـوت واتنفـس هـواك
والعمـر ويـاك ياليتـه يـطـول
ابتديت العشـق الاول مـن غـلاك
اسبق الخطوه واجيك اركض عجول
ما دخل قلبي مـن العالـم سـواك
وحدك الغالى وفـي قلبـي تجـول
اخجلت شمس المحبه مـن سنـاك
والقمر من كامل اوصافك خجـول
ارضك ارضي والسماء عندي سماك
ياشتا عمري ويـا كـل الفصـول
اطلب عيونـي وانـا كلـى فـداك
واعتبر ما تطلبه عنـدك وصـول
لو يغار الورد الاحمر مـن شـداك
من يلومـه لـو تهـادى للذبـول
الكلام العـذب مـا يلحـق مـداك
حسنـك الجـذاب يثـر بالعقـول
الله المعبـود سبحانـه عـطـاك
امتلكت الزيـن فـي كـل الميـول
ثغرك الرمـان والمـوت بشفـاك
من حلاك الرمش لا سلهم كسـول