ما خـون انا المبدا ولو خـانـت الناس
ثـابـت على مـبـداي بـيـن الـعـشاير
اعيـش انا ومبداي مع كل نـسـنـاس
وانــام وغـيـري يـحـتـرق والـضـمـايــر
اللي يخون الخلق ما عنده احساس
ايـــضـــا ولا لـه بالـعـقـيـدة بــصــايــر
كــم من ضحوك يسكنه كل خـنّـاس
ما يامنن شــرّه بــنــات الــقــصــايــر
يمشي يتذاكا بالملا هافي الساس
فــاتــه على الــظــالــم تـدور الدواير
مـبـداي ثــابــت ما تزعزع من الراس
لو عـلـقـونـي لـلــمــلا بـراس عــايـر
ذنبي مع الـخـالـق علاقة لها ساس
تـكـفـيـرهـا في ركـعـتـيـن وعــبـــايـر
اصدق مع اللـــه توبتك واحـذر الياس
وافطن ترى ربك وســيــع الــذخـــايـر
وذنب البشر ما ينفعك قــول لا بـاس
ذنب البشر هو الــبــلا والــكــبـــايـــر
ولا شـفـاعة فيه في ضيق الانـفـاس
لازم تـســدد لو ذنــوبـــك صـــغـــايــر

القارظ العنزي