منتديات مسك الغلا | al2la.com - عرض مشاركة واحدة - مشاركتي في مسابقة القصة القصيرة /بر النعيرية

**إحساس طفله** · 01-21-16, 10:15 AM

بر النعيرية - قصة ايام الثانوية . واقعية مع الشباب .

في ايام الثانوية كنت في ثاني ثانوي . وكانت علينا اختبارات نهائي الفصل الاول كان علينا شتاء . وقررنا انا والفصل كله ماعدا ثلاثة انو نطلع البر بمناسبة انتهاء الاختبارت والعطلة وبنجلس من يومين الا 4 ايام .
المهم رتبنا الوضع وقطينا قطية وكذا . واجتمعنا في بيت واحد من الشباب قبل الرحلة بيوم . وكلنا معانا اوراق واقلام . وكتبنا انت وش تجيب وانت وش عليك وكذا وكذا . المهم باقي الخيمة . ماحد عنده كل الي عندهم خيام كبيرة مانبيها مالها محل بالسيارات . دق صدرة واحد من الشباب وقال ابد الخيمة عندي اكيد اكيد قال ابد علي وعندي ولاتشيلون هم . المهم حضرنا الاختبار الاخير ومشينا . والمسافة بين محل اقامتنا الخبر الي انعيرية ساعتين علي ماللقينا مكان ثلاث ساعات اخذنا . المهم مشينا ووصلنا في سيارات صغيرة ومافيها دبل وقفناها في المحطة البنزين قريبة من المكان الي بنخيم فية وراحو الشباب يدورون مكان المهم لقو مكان ووقفو . وانا مع واحد من الشباب انتضرنا في السيارة وفي المحطة . رجعو لنا الشباب بعد ساعه الي يضحك والي معصب خير شالسالفة يافلان يافلان يا خالد ياسعد يافهاد شسالفة رد فهاد بعصبية وفية ضحكة وقال تشوفون لاوصلتو المكان . المهم وصلنا الا الخيمة الله وكيلكم 4 × 4 ماتشيل لها حتى 4 رجال هههههههههههخ
وتوهقنا الخيمة صغيرة وحنا مايقارب 16 رجال وبررد كان وقتها ماينقعد برا . المهم وتوهقنا شلون نرجع تعبانين من صحيتنا صباح للاختبار . وسفلنا وهوشنا الي جايبها ماسوت علية . تخيلو من القهر خليناة يقعد بعيد ونهوشة كنة منعرفة هههههههههههه من القهر . المهم نمنا برا الخيمة في البرد و الي نام داخل كنة نام برا مهيب ضد المطر ولا البرد هههههههه .
نمني من التعب والصبح رجعنا بيوتنا خرب علينا طلعتنا مع خيمتة الله يجزية خير هههههههه .