وعليكم السلام ورحمة الله وبركاته

اسبوعين من ولدتي ودجك قدام عيالك
معليش حتا لو كنتي غلطانه كان فيه يتفاهم معك مو بالضرب قدام عيالك
ابااااااااو حتا لعياله ماحسب حساب

سيبيك من الناس ونظرتهم هذه حياتك انتي
واهلك ماهم من الناس هذولا اهلك والبنت عزها بيت اهلها
مستحيل اهلك يتشمتون فيك
وش ذا المنطق
صديقاتك خليهم ع جنب مالهم لزوووم ابد بحياتك
عندك امك وابوك واخواتك واخوك يكفووون ويوفون لحل مشكلتك
والمفروض انك بلغتيهم بنهايه هذولا اهلك ويبون مصلحتك وسعادتك
مو ع حساب سعاة الناس ونظرتهم تعيشين بكئابه

اذا هذه اول مره يدجك هم برضو خبري اهلك خل يدجووونه
واذا هذه رابع مره حتا طفلك ابو اسبوعين خليه له
وروحي ريحي بيت اهلك
خل يعرف قيمتك ويعرف ووش قيمت الكف اللي اداك
مهوب قادر يربيهم من دونك
ولازم يحس بمكانتك

ومن شدة الضرب ماقدرتي تروحي >> يعني مهوب كف واحد
اقول دقي ع اهلك وسيري لهم وخليه يقطع شعر راسه من صيحت العيال عليك

والحياه الاسريه زي مايقولون والزوجه تحافظ ع مشاكلها وهاكا يعني
معليش الحياه اللي تحتاج لمحافظه اشياء ثانيه مهوب الدج
احافظ عليه ولا اخبرهم
اباااااااااو مهوب كذا يدجني واسكت بيجي وقت ثاني يدجك لانو عارف بردة فعلك
انك بتسكتي ولا تخبري احد
الرجال مايقوى عليهم الا الرجال لاتعديها له


هذه وجهت نظري والقرار بنهايه لك

وبهذا القسم بتحصلين طريقين في حل المشكلات ناس بصفك وناس ضدك
وكل شخص حسب وجهت نظره ومحتمل قراراته
والكل اما يجاوب من واقع ملموس او واقع غير ملموس وما احد بحقيقه يحس بالثاني هذه فقط احتمالات مبنيه وخيالات لما ذكرتي
انتي طرحتي المشكله واتوقع حصلتي مع وضد
وبنهايه يبقى القرار متخذ من قبل صاحب المشكله
وانا مابي اخرب بيتك الخراب مهوب كذا هذه وجهة نظر

وانا ماقلت تطلقي انا قلت الرجال مايقوى عليهم الا الرجال
سالفة انك بتقوي عليه والبنت الشاطره وهاكا يعني خرافه ذي ولو دجيتيه بالفعل كان مردغك وكسر عظامك

حياتك تكون خاصه بينك وبين زوجك ايه ما اختلفنا سالفة تندجين هذه تطلع لاهلك واهله اذا امكن
لان من امن العقاب قل الادب
واذا عديتيها بسهاله عادها لك من جديد

والله يكتب لك مافيه الخير ويعينك يارب والف لاباس


تقبلي ردي وعبق وردي مع خالص احترامي لسموك
آسيرة حرف