السلام عليكم ورحمه الله وبركاته
عندي خال اخو امي دائما وحداني ويقعد لحاله ومايجلس مع الناس ومايتكلم مع احد ومن خلال كلام امي فهو ما انولد كذا بدا يظهرلي هالحاله بعد مادخل المدرسه وهو ماكان يحب دراسه بس سمعت امي تقول ان جدتي وحدي كانو يهاوشونه واحيانا يضربونه لانه مايريد يروح المدرسه وكان يهرب منها هو الحين كبير تقريبا ف 30 وجدي اللي هو ابوه قد توفى وجدتي مسكينه مقهوره ع حاله وعندو اخوانه بس كل شخص لاهى بحياته وترا خوالي كبار وكلهم عزابيه ماعدا واحد
وخالي هذا احيانا اذا كلم احد فكل سوالفه عن الشياطين واشباح ويقول هناك شيطان قصده ف حمام
وانا استغرب ليش خوالي مو ماخذينه لشيخ او لطبيب نفسي
خوالي ناس هاديين جدا وطيبين ولحالهم مايختطلوا بالناس كثير