اول نقطتين لم اختلف معاكي فيهم وده المقصود ان وقت ما بيجهز البديل للاجنبي بيتم الاستغناء عن الاجنبي ولو انا كا اجنبي موجود لحد دلوقتي لسه مليش بديل يعني متفقين

بخصوص موضوع النرويج هناك قانون في النرويج وفي عقود بتثبت الشراكه بين الطرفين في فرق بين شرك متضامن وصاحب مكان

بخصوص العنوسه الاجنبي ملوش اي دخل فيها لان الي جاب الاجنبي سعودي الاجنبي مش بيجي هنا ومفيش اي مبرر يبرر لاب انه يقعد بنته جنبه يحرمها من حقوقها الشرعيه حته لو محتاج في مصر بنشحت عشان نستر البنات ! وبخصوص ان الشاب الي ميقدرش يكون مهر عشان يتجوز يبقي ميستحقش الزواج اسمحيلي الجمله دي اكبر غلط في تاريخ البشريه وضد حديث الرسول عن الزواج مقالش المهر

وبخصوص نقطه الاجنبي وان السعودي بيحب الاجنبي اكتر الاجنبي حته لو حرامي يخاف يسرق في السعودية لان بينطبق عليه القانون وميقدرش يخرج بره السعوديه بريال من غير اذن كفيلة يبقي هيغتلس ازاي بعكس السعودي بعضهم اكلو حقوق الناس واكلو حقوق العمال الغلابه وفيهم الي نصب علي سعودين مثلة زي المصري في مصر سهل ينصب ويسرق لانها بلده

كلامك عن ان في فرص في بلاد الاجنبي وبيجم هنا للدخل الاكبر غلط الاجانب فيهم الي بيجي هنا للدخل الاكبر وفيهم الي بيجي هنا عشان يقدر يعيش لان مفيش فرصه عمل في بلده وبخصوص نقطه ان محدش يقبل يترك زوجته وبيته ويسافر وانه هيجي هنا يدور علي سعودية عشان الاقامة او مقيمه عشان يفرع شهوته صدقيني يا اختي في الله زواج الاجنبي من السعوديه مش ميزه لو بيدور علي ميزه هيتجوز انجليزية او امريكيا مش هيدور علي سعودية او امارتيه ولو في زواج مصالح هيبقي البنت السعوديه دورت علي مصلحتها مع الشاب الاجنبي قبل ما الشاب الاجنبي يكون دور علي مصلحته مع البنت السعودية يعني مصالح مشتركه

بخصوص الكاتب السعودي من الواضح انك لم تفهمي المقصود من المقال والمقصود من طرحي لهذا المقال المقصود انا وضحته في احد الردود ان مصر في يوم من الايام كانت بتساعد المملكة وان دلوقتي المملكة بتساعد مصر وممكن بكره مصر تساعد المملكة يعني الدنيا تعاون
وبخصوص لم يذكر اليمن او سوريا او العراق ذكرتي معلومه خاطئه تماما

لماذا مصر بالذات رغم ان العراق واليمن وسوريا لاتقل اهمية وقوة وعظمة من مصر هذا ان لم تتفوق عليها !!

ذكر مصر بالذاب لدورها الي قدمته ايام الملك فاروق مع الدول العربيه
ذكرتي دول وقارنتيها بقوه مصر ودي مقارنه فيها ظلم لتلك الدول مصر هيا من ساعدت اليمن في الاستقلات هل لديكي معلومه كم جندي مصر قتل في تحرير اليمن هل لديكي معلومه عن مدي عشق صدام حسين لمصر هل لديكي معلومه عن الاحصائيه العسكرية للدول العربية
برعم اختلافي مع النظام الحاكم في مصر وبرغم اختلاف التام سياسيا مع حكم العسكر

مصر اقوي من الجيوش الي حضرتك زكريتا كا قوه عسكريه وكا اهمية
والكاتب اراد توضيح للشباب الي مسمعش عن دور مصر دور مصر كان ايه
زي ما احنا لو لقدر الله حصل مكروه للملكة وطلع جيل جديد مصري ميعرفش فضل المملكة بالتحديد فتره حكم الملك عبد الله علي اهل مصر هيطلع كاتب وهيكتب ان الملك عبد الله رحمه الله والملك سلمان ليهم فضل كبير علي مصر

وفي النهاية احب اوضح ليكي نقطه اكبر ميزه في السعودية بتخلينا نجري عليها الحج والعمرة وانها بلد النبي عليه الصلاه والسلام

المال قصاده لو التلفون ضرب دلوقتي لقدر الله حصل لاهلي مكروه ممكن كفيلي مينزلنيش احضر عذاء اهلي يعني المميزات بتعادل العيوب ويمكن العيوب اكتر والحوجه الي بتحكم

ربنا ينصر الاسلام والمسلمين