بسم الله الرحمن الرحيم
السلام عليكم ورحمة الله وبركاته
راودتني فكره أظنها جديدة وان لم تكن المهم الفائدة ، وودي نجربها ، وان شاء الله تنجح و نسويها بمواضيع ثانيه !
عنوان موضوعنا هو :
( الاســــلآم و العــــروبــة )
موضوع عام ويمس اي شخص فينا صغير والا كبير ، تبي تتكلم عن الاسلام بس او عن العروبة الحالها او عنهم كلهم !
تكلم عن اي شي يجي ببالك يخص عنواننا اكتب رايك لو انت تتكلم عن شي وانا اتكلم عن شي ثاني مختلف وغيرك جا ودخل بزاويه اخرى ومختلفه تماما عنا كلنا ، وحتى لو كنا سبعين واحد كل واحد فينا يتكلم عن جزء مختلف المهم نكون نتكلم عن شي داخل اطار عنواننا !
طبعا كل هذا بدون لاكتبلك موضوع واحصرك بالفكره الي براسي ، فقط انا عطيتك عنوان وانت عليك تكتب رايك وش ماكان !
والهدف والغاية من هالفكره ان كل واحد يتكلم عن الي يشوفه ويتكلم برايه الشخصي ، وانه تكون دعوه مفتوحة للجميع لمشاركة الافكار والاراء ، وبرضوا ممكن أي واحد يفتح عيونا على شيء جديد !
وانا مثلكم بكتب الي خطر ببالي ورايي بردود، مثلي مثل البقية والموضوع للكل لا لي ولا احد !
وللي مافهم الفكره من الاخر تذكر مدرس الانشاء ( التعبير ) لاعطاكم عنوان مثل " الصلاة " او التدخين " ..الخ وقال كل واحد يعبر من عنده ؟
الفكره هنا كذا ، ولو مشت فتحنا صفحات ثانيه وبنفس الطريقه !
والي فهم الفكره يشرح للي مافهم لاني انسان ماعرف اشرح الصراحه ، وزود على كذا هذا اخري هذا احسن ماعندي استنفدت كل مهاراتي بالشرح