* اكثر شيء يفرحك و اكثر شيء يكدر خاطرك ؟
كل جميل يفرحني
أكثر ما يكدر خاطري الهجوم القذر على جهاز هيئة الامر بالمعروف والنهي عن المنكر
* شخص مر بحياتك مستحيل تنساه و ليه ؟
مشاري .. سالفة قلم . سالفة قلم كان أحد الاعضاء في منتدى سابق كنت إديره
كان شاب رائع وكلمة رائع بحق قليله عليه رحمه الله تدرج معي بمهام المنتدى حتى أصبح نائب الإدارة وفي يوم من الايام بعد افتقاده لم أكتشف نفسي الا وانا أعزي أخوته فيه رحمه الله
من ذاك اليوم وانا [ سالفة قلم ] ومستحيل انساه
* لكل شخص نقاط ضعف وش نقطة ضعفك ؟
لا تقولي تكفى
* متي تحس ان الدنيا قفلت ف وجهك ؟
اذا دخلت ابي اوقع اجازه وقالوا ضف وجهك ما صار لك ماخذ .. هنا اتخذ وضعية حياة الفهد من جد 
* لو رجعت عشر سنين ورا وش تغير بحياتك و وش تاخذ معك لايامك هذي؟
ماكنت بدخن [ أوله دلع وأخره ولع ]
ما باخذ شي
* دائماً الحنين مرتبط بأغنيه وش الاغنيه اللي لا سمعتها جددت الحنين فيك ؟
ايوه محمد عبده [ لذكرى خاصه ]
* هناك امور نتجاهلها لاننا لا نستطيع مواجهتها او حلها ايش الموقف اللي تتجاهله و لا تواجهه ؟
بطبعي ما اتجاهل كل امر في حياتي او موقف يعتبر مهم
ربما آجله ولكن لن يتم تجاهله مهما كان
* بما انك محب للسفر وش الدوله اللي تتمنى تروح لها و للحين ما رحت لها ؟
بصراحه كل اللي كنت ابي ازروها زرتها
يمكن حاب اعيد الزياره لبعض الاماكن
* وش افضل دوله زرتها و ليه ؟
ايطاليا في عام 2014.. كنت لحالي وكانت الفترة 11 يوم وتوفقت بفندق السكن
في كل من ميلان وروما ونابولي . سبحان الله اول مره تصدف انه الفنادق في كل السفره
تكون على نفس الدرجه والهدوء
وكان الجو وقتها ربيعي والزحام قليل والنفسيه حلوه والجيب مليان
ما انسى ذيك السفره بتبقى مميزه عن الكل