أنا سعودي الهوى والهويه

وأهلي من الساحل إلى الساحل أبطال

تضرب لنا الدنيا سلام وتحيه

لأننا واحد على قلب رجال

ما نعرف الفتنة ولا الطائفية

حنا ندين العنف في كل الأشكال

والمملكة بالله صعبه قويه

وبنور شرع الله تباهى وتختال

اللي عطانا الخير رب البريه

سبحانه وغير على الباديه حال

بترول يالله مد عمره وحيه

قصه وفيها حكمة اللي لها قال


♥


الواو ويل اللي يلامس حدودي

عهدٍ علّي ليذوق مر الهزيمه

الدال دين الله وكثرة سجودي

سر الخصال اللي في شخصي كريمه

الياء يا دارٍ بها أشتد عودي

الحب والتقدير لك يا عظيمه



♥



السياسه عندهم متلونه ..

والسياسه عندنا تشرق بياض !!

لا شكى العالم مشاكل مزمنه ..

العواصم تلتفت صوب الرياض !!

الحلول تصير معنا ممكنه ..

كلمة أهل الحق ما تلقى اعتراض !!

ودارنا باللي حكمها مؤمنه ..

يبعد العدوان خالين الوفاض !!




♥




من لبس ثوب الديانة .. غدر وارهاب وخيانة
خاين خان الأمانة .. ما يدنس سورنا
ومن قتل نفس بريئة .. ظالم ونفسه دنيئه
دونه سيوف جريئه .. ما يطفي نورنا
من يكفرنا نقول .. قولنا قول الرسول
والسند كله عدول.. هل شققت قلوبنا




♥




الجواب أغنى السؤال .. الطموا خشوم الضلال
لا مساس ولا خلاص .. بيننا نار تلظى .. بيننا ضرب الرصاص
لا يحسبون الجهاد .. سعي في الأرض وفساد
الجهاد إنك توقف.. دون عزة هالبلاد




♥




الحمد للفرد الصمد .. يا ديرتي ربك كريم !!

واللي إنتي أمه يا بلد .. ماضنتي يصبح يتيم !!

حنا حواليك وهلك ..

وافين بايعنا ملك ..

ونمد لك كف الرضا ..

نزعل على من زعلك ..

يا أمنا ياللي تحت .. أقدامها طهر الحياه ..

صحيتي الدنيا علىصوت المآذن والصلاه ..

يا مؤمنه ياطيبه ..

أقسى مافيك الحنان !!

وحدودك المتراميه ..

أطرافها أمن وأمان !!

رضاك يا أمي علي .. طمعان بالجنه أفوز

يا حب من صرخة وليد .. للشيب في راس العجوز



تجميعي ... راقت لي ♥